2 SAMUEL 19:1 - Lai (Hakha) Common Language Bible 2006

¹ Joab cu, “Zohhmanh, siangpahrang kha a ṭap lengmang i Absalom zun kha a ngai ko,” tiah an chimh.

2 SAMUEL 19:1 ပူးပေါင်းရင်းမြစ်များ

GENESIS 37:35

A fapa vialte le a fanu vialte hna nih khan hnemh an i zuam, sihmanhsehlaw an hnemhnak kha duh loin a thawh hna i, “Mithi khua Sheol ah ka fapa zunngai in kal ko ning,” a ti hna.

2 SAMUEL 18:12

Sihmanhsehlaw mipa nih cun Joab kha a thawh i, “Tangka thong khat hmanh ka kut ah humh si ning law, siangpahrang fapa cungah cun ka kut ka samh bal hnga lo; zeitintiah ka theih hngan ah pei siangpahrang nih nangmah le Abishai le Ittai kha, ‘Tlangvalpa Absalom cu keimah ruangah va huppheng tuah u,’ an ti hna kha.

2 SAMUEL 18:14

Joab nih, “Nangmah he hi bantukin caan cu pakpalawng ah ka hmang lai lo,” tiah a ti. Cun a kut in cantiang pathum aa put i kuhthing kung i a nung in a rak um komi Absalom lung ah khan a hei hlinh hna.

2 SAMUEL 18:20

Cun Joab nih amah cu a thawh i, “Nihin ah cun thawng cu na va thanh hnga lo; ni dang ah na va thanh te ko lai, nihin ah cun thawng zeihmanh na thanh lai lo, zeicahtiah siangpahrang fapa pei a thi cu,” tiah a ti.

2 SAMUEL 18:33

Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

2 SAMUEL 18:5

Cun siangpahrang nih Joab le Abishai le Ittai cu, “Keimah ruangah tlangvalpa Absalom cu nem tein va ti u,” tiin nawl a pek hna. Cun siangpahrang nih Absalom kong i nawl a pekmi hna kha, ralbawi vialte nih an rak theih ve.

2 SAMUEL 19:2

Cucaah cu ni i teinak cu mithi ngaihnak ah mi vialte caah a cang, zeitintiah mizapi nih cun, “Siangpahrang nih a fapa kha a ṭah lengmang ko,” tiah an theih.

PHUNGTHLÛKBIA 17:25

Fapa hrut nih cun a pa kha awlokchong in a tuah i a hringtu a nu caah lungretheihnak a si.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.