2 SAMUEL 18:33 - Lai (Hakha) Common Language Bible 2006

³³ Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

2 SAMUEL 18:33 ပူးပေါင်းရင်းမြစ်များ

GENESIS 21:11

Hi nih hin Abraham cu a lungre a theihter ngaingai, zeicahtiah Ishmael zong cu a fapa a si ve.

2 SAMUEL 14:1

Zeruiah fapa Joab nih khan siangpahrang lungthin cu Absalom sinah khan a kal ti kha a hngalh.

2 SAMUEL 19:1

Joab cu, “Zohhmanh, siangpahrang kha a ṭap lengmang i Absalom zun kha a ngai ko,” tiah an chimh.

2 SAMUEL 19:4

Siangpahrang cu a hmai aa khuh i siangpahrang cu aw thang piin, “Maw ka fapa Absalom, maw Absalom, ka fapa, ka fapa!” tiah a ai.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

PHUNGTHLÛKBIA 10:1

Solomon phungthluk bia hna: Fapa fim nih a pa a lawmhter, sihmanhsehlaw fapa hrut cu a nu caah ngaihchiatnak a si.

PHUNGTHLÛKBIA 17:25

Fapa hrut nih cun a pa kha awlokchong in a tuah i a hringtu a nu caah lungretheihnak a si.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

JEIM 5:17

Elijah kha kanmah bantuk minung a si ve ko. Ruah sur hlah seh tiah biatak tein thla a cam i kum thum le a cheu ruah sur loin a um.