2 SAMUEL 18:31 - Lai (Hakha) Common Language Bible 2006

³¹ Cun zohhmanh, Kush mi kha a ra phan i Kush mi nih cun, “Siangpahrang ka bawipa caah thawng ṭha! Zeitintiah nihin ah Bawipa nih nangmah doh awkah a thomi vialte hna ṭhawnnak chung khan nangmah cu an luatter cang,” tiah a ti.

2 SAMUEL 18:31 ပူးပေါင်းရင်းမြစ်များ

2 SAMUEL 18:19

Cun Zadok fapa Ahimaaz nih khan, “Va tli ning law, Bawipa nih na ral hna ṭhawnnak chungin an chuah cang, tiin siangpahrang cu thawng ka va thanh lai,” tiah a ti.

2 SAMUEL 18:28

Cun Ahimaaz nih siangpahrang cu a hei auh i, “A ṭha dih ko,” tiah a ti. Cun siangpahrang hmaiah cun vawlei lei hoih in a lu a khun i, “Siangpahrang ka bawipa doh awkah a thomi vialte a sunghtertu hna Bawipa na Pathian cu thangṭhat si ko seh,” tiah a ti.

2 SAMUEL 18:30

Cun siangpahrang nih, “Ka sirah hin rak dir rih tuah,” tiah a ti. Cun a sirah cun a dir.

SALM 58:10

Misual mi nih dantatnak an hmuh kha miding mi nih an hmuh tikah an i lawm lai, miṭhalo mi hna thi cu ti tan bantukin an tan lai.

DANIEL 4:19

Daniel, Belteshazzar ti zongah ti a simi cu, tlawmpal cu ar ṭhup in a hung um i zeihmanh a chim kho lo. Sihmanhsehlaw siangpahrang nih cun aa thawh i, “Ka mang le a sullam nih cun na khuaruah in harter hlah seh,” tiah a ti. Belteshazzar nih cun a leh i, “Ka bawipa, hi mang le a sullam hi nangmah an huatu hna le na ral hna ca tu ah hei si seh law ka hei duh hnga dah!

BIACEIHTU 5:31

“Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.