2 SAMUEL 18:28 - Lai (Hakha) Common Language Bible 2006

²⁸ Cun Ahimaaz nih siangpahrang cu a hei auh i, “A ṭha dih ko,” tiah a ti. Cun siangpahrang hmaiah cun vawlei lei hoih in a lu a khun i, “Siangpahrang ka bawipa doh awkah a thomi vialte a sunghtertu hna Bawipa na Pathian cu thangṭhat si ko seh,” tiah a ti.

2 SAMUEL 18:28 ပူးပေါင်းရင်းမြစ်များ

GENESIS 14:20

Na ral an teitertu Cung Nung Bik Pathian cu thangṭhat si ko seh,” a ti. Cun Abram nih hranchaw a lakmi vialte cheuhra cheukhat a pek.

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

2 SAMUEL 1:2

cun a ni thumnak ni ah Saul riahhmun in mipa pakhat, a puan tlek le a lu ah leidip i phulh in a ra. Cun David sin kha a phak tikah vawlei ah a bawk i upatnak kha a tuah.

2 SAMUEL 14:4

Tekoa minu cu siangpahrang sinah a rat tikah vawlei lei hoih in a bawk i upatnak kha a tuah i, “Maw siangpahrang ka bawm tuah,” tiah a ti.

2 SAMUEL 22:27

A thiangmi sinah a thiang in naa langhter, A hrokhrawlmi sinah zer ngaiin naa langhter.

2 CHANRELNAK 20:26

A ni linak ni ah Berakal Nelrawn ah an i pum i khika ah Bawipa kha an thangṭhat; cucaah cuka hmun min cu nihin tiangin Berakah Nelrawn tiah ti a si.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 124:6

Kan ral nih hrawh awkah a kan siang lotu Bawipa cu lawm ko u sih.

SALM 31:8

Ka ral hna kut chungah na ka phakter lo, himte tu in na ka zohkhenh.

EXODUS 18:10

Aa thawh i, “Izipt mi hna kut chung le Faro kut chungin an khamhtu hna Bawipa cu thangṭhat ko u. Izipt mi kut tang sal cannak i a mi a khamhtu hna Bawipa cu thangṭhat ko u.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le

1 SAMUEL 24:18

Bawipa nih keimah cu nangmah kut chung i a ka chiah tik i na ka thah lo caah hin, ka cung i zaangfahnak na tuahmi kha nihin ah hin na langhter.

1 SAMUEL 25:23

Cun Abigail nih David kha a hmuh tikah aa hnawchan i a laa khan a ṭum i David hmaiah a kun i a lu kha a khun.

1 SAMUEL 26:8

Khi tikah Abishai nih David cu, “Pathian nih nihin ah hin na ral cu na kut chungah an pek ko; cucaah fei in voi khat chunhte ah amah hi vawlei ah bunh chih ko ning, voi hnih ka chun lai lo,” tiah a ti.