2 SAMUEL 18:19 - Lai (Hakha) Common Language Bible 2006

¹⁹ Cun Zadok fapa Ahimaaz nih khan, “Va tli ning law, Bawipa nih na ral hna ṭhawnnak chungin an chuah cang, tiin siangpahrang cu thawng ka va thanh lai,” tiah a ti.

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Siangpahrang nih tlangbawi Zadok sinah cun, “Zohhmanh, dai tein khua chungah cun, nangmah le Abiathar cu, nan fapa pahnih hna, Ahimaaz, nangmah fapa le Jonathan, Abiathar fapa he tiah, va kir tuah u.

2 SAMUEL 15:36

Zohhmanh, an fapa pahnih hna kha an sinah khika ah an um, Zadok fapa Ahimaaz le Abiathar fapa Jonathan hna kha; cun na theihmi vialte cu anmah sinin na hun ka thanh lai,” tiah a ti.

2 SAMUEL 17:17

Cun Jonathan le Ahimaaz kha Enrogel ah khan an rak um; salnu pakhat hi a va kal tawn i a va chimh tawn hna i annih nih an va kal i David Siangpahrang kha an va chimh chin tawn; zeitintiah khua chung i an luh kha ahohmanh nih hmuh lo ding a si.

2 SAMUEL 18:20

Cun Joab nih amah cu a thawh i, “Nihin ah cun thawng cu na va thanh hnga lo; ni dang ah na va thanh te ko lai, nihin ah cun thawng zeihmanh na thanh lai lo, zeicahtiah siangpahrang fapa pei a thi cu,” tiah a ti.

2 SAMUEL 18:23

Anih nih, “Zeihmanh si ai kun, ka tli ko lai,” tiah a ti. Cucaah, “Tli,” tiah amah cu a ti. Cun Ahimaaz cu Nelrawn lei lam khan a tli i Kush mi kha a chawhkanh.

2 SAMUEL 18:31

Cun zohhmanh, Kush mi kha a ra phan i Kush mi nih cun, “Siangpahrang ka bawipa caah thawng ṭha! Zeitintiah nihin ah Bawipa nih nangmah doh awkah a thomi vialte hna ṭhawnnak chung khan nangmah cu an luatter cang,” tiah a ti.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 10:18

Hremmi hna le ngakṭah cu an aunak kha na theihpiak hna i anmah lei ṭanh in bia na ceih, cucaah a thi khomi minung nih hin thil ṭihnung kha an umter ti lai lo.

SALM 7:6

Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

SALM 9:4

A dingmi biaceihtu bawi bantukin na bawiṭhutdan cungah na ṭhu i keimah lei ṭanh in biakhiahnak kha na tuah cang.

JEREMIAH 51:31

Babilon siangpahrang cu, Na khualipi kha a kam kip in luhhnawh a si cang ti chimh awkah Zualko pakhat hnu pakhat nih an tlikhnawh.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.