2 SAMUEL 18:18 - Lai (Hakha) Common Language Bible 2006

¹⁸ Cun Absalom nih khan a nun lioah Siangpahrang Nelrawn ah khan lungphun pakhat a rak i ser i, “Ka min hngalh camcin a si nakhnga caah fapa ka ngei lo,” a ti i cucaah cu lungphun cu amah min a rak i sak i nihin ni tiang hin mah cucu Absalom Lungphun, tiah ti a si.

2 SAMUEL 18:18 ပူးပေါင်းရင်းမြစ်များ

GENESIS 11:4

Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan thang kan i chuah lai i vawlei cungah hin kan i ṭhek lai lo,” an ti.

GENESIS 11:9

Cu khuapi cu a min ah Babel an ti, zeicahtiah cuka ah cun Bawipa nih mi vialte kha an holh a danter hna i cuka cun vawlei cung khuazakip ah khan a ṭhek hna.

GENESIS 14:17

Abram cu Khedorlaomer le amah sinah a ṭangmi siangpahrang hna a va tei hnanak in a ra kir tikah, Sodom siangpahrang nih khan Shaveh nelrawn an timi in a rak don, (Shaveh nelrawn cu siangpahrang Nelrawn ti zongah ti a si).

2 SAMUEL 14:27

Absalom cu fapa pathum le fanu pakhat a ngei, a fanu min cu Tamar a si i midawh ngai a si.

SALM 109:13

A tefa vialte cu thi dih hna seh law hmai chan ah cun a min cu philh dipdep si seh.

SALM 49:11

Thlan cu zungzal in an umnak ding hmun a si ko lai i cuka ah cun a zungzal in an um ko lai. Hmun le ram kha an rak ngei ko lai nain an chaw le an va cu midang sin i an kaltak a hau ṭhiamṭhiam ko lai.

ISAIAH 22:16

A ka thawh i, “Aho ah dah naa rel? Tlangpang lungpang ah khan zeicahdah thlan pakhat naa ser?

JEREMIAH 22:30

“Hi pa hi upatnak vialte chuh dihmi, Amah chan chung i a hlawhtling lo ding, David bawiṭhutdan cung i ṭhu ding siseh, Judah ram chung a uktu ding siseh, Tefa zeihmanh a thlau lomi, tiin ṭial tuah,” tiah Bawipa nih a ti.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

NAMBAR 32:42

Cun Nobah nih a kal i Kenath le a khuate kha a lak hna i amah min chuankhan in Nobah tiah min a sak.

1 SAMUEL 15:12

Cun Samuel cu Saul kha zinglei i ton awkah tuan tein a tho, cun Samuel kha an chimh i, “Saul cu Karmel ah a ra, cun zohhmanh, amah caah hngalh camcinnak lung aa phun i aa mer i a lan i Gilgal ah a vang kal,” tiah an ti.