2 SAMUEL 18:14 - Lai (Hakha) Common Language Bible 2006

¹⁴ Joab nih, “Nangmah he hi bantukin caan cu pakpalawng ah ka hmang lai lo,” tiah a ti. Cun a kut in cantiang pathum aa put i kuhthing kung i a nung in a rak um komi Absalom lung ah khan a hei hlinh hna.

2 SAMUEL 18:14 ပူးပေါင်းရင်းမြစ်များ

2 SAMUEL 12:10

Cun nangmah nih na ka zawmhtaih i Hit mi Uriah nupi kha na nupi ah naa lak caah, cucaah vainam cu na inn in aa ṭhen bal lai lo,’ a ti.

2 SAMUEL 14:30

Cu tikah a sinum cu a thawh hna i “Vei mu, liou hna, Joab lo cu keimah lo chang ah khan a si i a chungah barli a ngei hna khah, va kal u law mei in va duah hna uh,” tiah a ti. Cucaah Absalom sinum hna nih khan a lo cu mei in an duah.

2 SAMUEL 18:15

Cun Joab ralthuam putu tlangval pahra nih khan Absalom cu an kulh i an tuk i an thah.

2 SAMUEL 18:5

Cun siangpahrang nih Joab le Abishai le Ittai cu, “Keimah ruangah tlangvalpa Absalom cu nem tein va ti u,” tiin nawl a pek hna. Cun siangpahrang nih Absalom kong i nawl a pekmi hna kha, ralbawi vialte nih an rak theih ve.

2 SAMUEL 19:1

Joab cu, “Zohhmanh, siangpahrang kha a ṭap lengmang i Absalom zun kha a ngai ko,” tiah an chimh.

2 SAMUEL 19:11

Cun David Siangpahrang nih Zadok le Abiathar, tlangbawi hna kha, mah hi bia hi a hei cah hna i, “Judah upa hna cu, ‘Israel mi vialte an bia cu siangpahrang sin a phak cang tikah hin, zeicahdah nannih cu siangpahrang kha a inn i kirpi ṭhan awkah a hmanung bik nan si lai?” a ti tiah rak chim hna u.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 37:35

Miṭhalopa pakhat, mipuarhrang ngai a si i Lebanon sidar thingkung bantukin mi vialte a iap dih hna kha ka rak hmuh;

SALM 45:5

Na thal cu an hriam i na ral cu an lung tiang a taih hna; miphun kip kha na hmaiah an tlu.

MATTHAI 12:40

Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

BIACEIHTU 4:21

Sihmanhsehlaw Heber nupi Jael nih cun puan thlam khenhnak fung le sobul aa lak i, a baa i aa hngilh hluahmah lioah khan a sinah cun a thli tein a va kal i a phuzep ah a khenh, a tleng i vawlei ah aa bunh. Cucaah a thi.

BIACEIHTU 5:26

Thlam khenhnak fung kha aa lak, A orhlei kut in rianṭuantu hna sobul khan; Sisera cu a tuk i a lu kha a den, a phuzep ah khan a khenh i tleng lakin a khenh.

BIACEIHTU 5:31

“Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.