2 SAMUEL 17:29 - Lai (Hakha) Common Language Bible 2006

²⁹ khuaihliti le cawhnuk khal le tuu hna le cawrun chungin hmuhmi cawhnuk kham, David le a sin i a ummi hna ei awkah khan an rak put hna; zeitintiah annih nih, “Mi cu ramlak ah an rawl a ṭam; an ba i an ti a hal ko,” tiah an ti.

2 SAMUEL 17:29 ပူးပေါင်းရင်းမြစ်များ

2 SAMUEL 16:14

Cun siangpahrang le a sinah a ummi vialte cu baa cikcek in Jordan kha an phan i khika ah khan aa hrim.

2 SAMUEL 16:2

Cun siangpahrang nih Ziba cu a thawh i, “Zeicahdah mah hihi na rak phorh hna?” tiah a ti. Ziba nih cun a leh i, “Laa hi siangpahrang innchungkhar cit awkah an si; changreu le ṭhal thingthei hi tlangval hna ei awk caah an si i mitsur hang hi ramlak i a bami hna caah a si,” tiah a ti.

2 SAMUEL 17:2

Amah cu a bat lio le a lung a dongh lioah ka hei phanh lai i a lau ciammam lai i amah sin i a ummi vialte kha an zam dih lai. Siangpahrang lawnglawng kha ka va thah lai i

SALM 107:5

an rawl a ṭam, an ti a hal i an hnabei a dong cikcek.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

PHUNGTHLÛKBIA 21:26

Chun nitlak in a ruahmi cu zei khi dah hei ngei ning law ti lawng khi a si ko. Sihmanhsehlaw miding nih cun mi kha a pek hna i sianh loin a um hna lo.

ISAIAH 21:14

nan sin i tihal in a rami kha ti rak pe hna u. Tema ram mi hna, ralzam kha rawl rak pe hna u.

ISAIAH 58:7

A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si.

LUKA 8:3

Herod zung i bawi a simi Khuza nupi Joanna le Susanna le Jesuh le a zultu hna kha an ngeihmi thil in a rak bawmtu hna, nu dang tampi kha an si.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

1 SAMUEL 17:18

cun annih an thong khat haotu caah cawhnuk khal tlang hra hi i phorh fawn. Na ule kha zeitindah an um va zoh hna law, annih sinin hmelchunhnak pakhatkhat rak phor te,” a ti.