2 SAMUEL 17:23 - Lai (Hakha) Common Language Bible 2006

²³ Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Cun Absalom nih raithawinak kha a pekchanh lioah David tlangchuak, Gilon mi Ahithophel kha amah khua Giloh khan a hei cah. Cun ralthli khua an khan ṭinak cu a ṭhawng chin lengmang i Absalom mi cu an karh chin lengmang.

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

2 SAMUEL 16:23

Cu caan ah cun Ahithophel nih ruahnak a chuahmi cu Pathian sin i hmuhmi bia tluk ah khin rel a si; cuticun Ahithophel ruahnak vialte cu David nih siseh Absalom nih siseh an upat.

2 SAMUEL 17:22

David le a sin i a ummi vialte cu an tho i Jordan kha an tan; fingrei a hung cah ah khin cun Jordan tan loin pakhat hmanh a tangmi an um ti lo.

1 SIANGPAHRANG 16:18

Cun Zimri nih khua kha an lak cang, tiah a hmuh tikah, siangpahrang inn chung ralhruang chungah khan a lut i siangpahrang inn cu mei in aa duah chih i a thi;

2 SIANGPAHRANG 20:1

Khi caan ah Hezekiah cu a zaw i a thi dengmang. Cun Amoz fapa profet Isaiah kha a sinah a ra i, “Hi bangin Bawipa nih, ‘Na innchungkhar kha a ningcang tein chia tuah; zeicahtiah na thi ko lai, na dam ṭhan lai lo,’ tiah a ti.

JOB 31:3

Vanchiatnak nih hin miding lomi a tlunhnawh hna lo maw? Chiatnak nih hin ṭhat lonak a tuahtu a tlunhnawh hna lo maw?

SALM 109:20

Bawipa nih ka ral cu hitihin dantat hna seh, ka thang a ka chiattu ka ral hna cu hitihin tat hna seh.

SALM 5:10

Maw Pathian, annih cu sual phaw hna law dantat hna, an i timhmi thil ṭhalo cu tlinter hlah. An sualnak a tam ca le nangmah an in doh caah annih cu na hmaika in ṭhawl hna.

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

PHUNGTHLÛKBIA 19:3

Minung cu a hruhnak nih khan rawhnak ah a phakter i Cu tikah Bawipa cungah khan a lung chungin a thin a hung.

ISAIAH 38:1

Cu caan lio hrawngah cun Siangpahrang Hezekiah kha a zaw i a thi dengmang. Profet Isaiah Amoz fapa kha amah zoh ah cun a va kal i, “Bawipa nih, ‘zeizong vialte kha ningcang tein chia dih seh, zeicahtiah a dam ṭhan ti lai lo,’ a ti. Cucaah cun thih awkah i tim ko,” tiah a va ti.

MATTHAI 27:5

Judas nih tangka cu hmunthiang chungah khan a vun hlonh i a kaltak; cun a chuak i a vaa awk.