2 SAMUEL 17:22 - Lai (Hakha) Common Language Bible 2006

²² David le a sin i a ummi vialte cu an tho i Jordan kha an tan; fingrei a hung cah ah khin cun Jordan tan loin pakhat hmanh a tangmi an um ti lo.

2 SAMUEL 17:22 ပူးပေါင်းရင်းမြစ်များ

2 SAMUEL 17:21

An kal dih hnuah tikhor chung khan Ahimaaz le Jonathan cu an hung chuak i an kal i Siangpahrang David kha an va chimh. Annih nih David cu, “Tho law, tiral ah khulrang in kal tuah; zeitintiah cu bantuk kha bantukin nangmah ralchanh in Ahithophel nih ruahnak a chuah,” tiah an ti.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SAMUEL 17:24

Cun David cu Mahanaim a phan. Cun Absalom nih Israel mi vialte he Jordan tiva kha an tan.

SALM 42:6

Ka lungre a thei, cucaah cun amah cu ka hngalh ṭhan; kaa thuhnak Jordan tiva hrawn, Hermon Tlang le Mizar tlang pawngah amah cu ka hngalh ṭhan lai.

PHUNGTHLÛKBIA 27:12

Mifim nih cun harnak a rat kha a hmuh tikah hrial khawh aa zuam, sihmanhsehlaw mihrut nih cun a pahchih thluahmah ko i a hnuah aa ngaihchih.

NAMBAR 31:49

Moses sinah cun, “Na sal hna nih kan kut tang i a ummi ralkap hna cu kan rel hna i kannih sinin a baumi pakhat hmanh an um lo.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

JOHAN 18:9

(Hitihin a chimmi cu, “Ka Pa, na ka pekmi hna cu pakhat hmanh ka thlau hna lo,” tiah a rak timi a tlin naklai caah khan a si).