2 SAMUEL 17:14 - Lai (Hakha) Common Language Bible 2006

¹⁴ Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

2 SAMUEL 17:14 ပူးပေါင်းရင်းမြစ်များ

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

2 SAMUEL 15:34

Sihmanhsehlaw khua chungah na va kir i Absalom cu, ‘Maw siangpahrang, na sal ka si ko lai; kan hnulei caan ah na pa sal ka si bantuk khan atu cu nangmah sal ka si lai,’ na va ti ahcun, Ahithophel khuakhannak kha na ka teipiak lai.

2 SAMUEL 16:23

Cu caan ah cun Ahithophel nih ruahnak a chuahmi cu Pathian sin i hmuhmi bia tluk ah khin rel a si; cuticun Ahithophel ruahnak vialte cu David nih siseh Absalom nih siseh an upat.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

2 CHANRELNAK 10:8

Sihmanhsehlaw upa hna nih fim an chimhmi kha a hlawt i amah ṭhirual a hmaiah a um tawnmi tlangval hna kha ruahnak cheuh a hal hna.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

2 CHANRELNAK 25:20

Sihmanhsehlaw Amaziah nih a ngai duh lo; zeicahdah a si ti ahcun, anih nih Edom pathian hna kha a kawl hna caah a ral hna kut chung i pek ding kha Pathian nih a tuahmi a si.

NEHEMIAH 4:15

Zeizong vialte kan theih dih kha kan ral hna nih an theih i Pathian nih an khuakhannak cu a hrawhpiak hna i kulhnak vampang ah cun kan kir i kan dihlak in kanmah le kan rian cio kha kan ṭuan ṭhan.

JOB 12:17

Fimchimtu pawl kha mihrut bantukin a umter hna, Biaceihtu pawl kha mihrut ah a ser hna.

SALM 9:15

Lawkihmi nih khor an cawh i anmah an tla; rap an chiah i anmah an i foih.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

LUKA 16:8

Cu thil zohkhenhtu mihrokhrawlpa cu a bawipa nih khan cu bantukin fim ngaiin thil a ti caah a thangṭhat; zeicahtiah hi vawlei cung mi hna hi an thil tining ah ceunak mi hna nakin an fim deuh,” tiah a ti.

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

DEUTERONOMI 2:30

Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.

JOSHUA 11:20

Bawipa nih Moses nawl a pek bangin hrawh cikcek an si i zaangfahnak um loin hloh cikcek an si nakhnga, an lung ṭhawnter i Israel mi hna doh cu Bawipa tuahmi a si.