2 SAMUEL 16:9 - Lai (Hakha) Common Language Bible 2006

⁹ Khi tikah Zeruiah fapa Abishai nih siangpahrang sinah cun, “Zeicahdah hi uico thi cia nih hin siangpahrang ka bawipa cu chiat a serh len ko hnga? Va kal ning law a lu khi va chok tuah ning,” tiah a ti.

2 SAMUEL 16:9 ပူးပေါင်းရင်းမြစ်များ

2 SAMUEL 19:21

Zeruiah fapa Abishai nih khan, “Bawipa chiti thuhmi kha chiat a rak serh caah, mah caah khan Shimei hi thah awk a si lo maw?” tiah a leh.

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

2 SAMUEL 3:30

Cuticun Joab le a unau Abishai nih Abner kha an thah, zeicahtiah amah nih khan Gibeon i raltuknak hmun ah khan an unau Asahel kha a rak thah.

2 SAMUEL 3:8

Khi tikah Ishbosheth bia ruangah khan Abner cu a thin a hung ngaingai i, “Judah pawl uico lu maw ka si! Nihin tiangin na pa Saul innchungkhar hna cung le a unau hna cung le a hawikom hna chungah zumhawktlak in ka um ko rih i David kut chungah nangmah cu kan chaan lo; cun maw nang nih nihin ah hin, nu he sual na hei ka puh.

2 SAMUEL 9:8

Cun upatnak kha a tuah i, “Na salpa hi zeidah ka si i uico thi cia bantuk keimah hi na ka hramh?” tiah a ti.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

LUKA 9:54

Cu thil cu a zultu hna Jeim le Johan nih khan an hmuh tikah, “Bawipa, hi mi hna hrawhnak ding caah hin vancung in mei au u tiah na kan duh maw?” an ti.

LAMKALTU 23:5

Paul nih a leh hna i, “Ka u le ka nau hna, amah cu Tlangbawi Ngan a si kha ka hngalh lo caah a si. Cathiang chungah, ‘Na mi a uktu hna cu na thangchiat lai lo,’ ti bia a um,” tiah a ti.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

1 SAMUEL 24:14

Israel siangpahrang nih hin ahodah a chuahhnawh? Ahodah na dawimi hi a si? Ui thi cia! Uihli a si ko!