2 SAMUEL 16:7 - Lai (Hakha) Common Language Bible 2006

⁷ Cun chiat a serh pah cun Shimei nih khan, “Va lo ko, va lo ko, nang thisen chuah hmangpa, nang zei ṭhahnem lopa!

2 SAMUEL 16:7 ပူးပေါင်းရင်းမြစ်များ

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

2 SAMUEL 16:6

Cun David le David Siangpahrang sinum vialte kha lung in a cheh hna; mi vialte le miṭhawng vialte cu a orhlei le a kehlei ah khan an um.

2 SAMUEL 19:21

Zeruiah fapa Abishai nih khan, “Bawipa chiti thuhmi kha chiat a rak serh caah, mah caah khan Shimei hi thah awk a si lo maw?” tiah a leh.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

2 SAMUEL 3:37

Cucaah mi vialte le Israel mi vialte nih, Ner fapa Abner thah kha siangpahrang duhnak cu a rak si lo ti kha khi ni ah khan an hngalh.

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

SALM 3:2

An ka thangchiat i, “Pathian nih a bawm lai lo,” an ka ti.

SALM 5:6

Lihchim mi cu na hrawh dih hna i mipuarhrang le mihlenhmang cu na nautat hna.

SALM 51:14

Maw Pathian, ka khamhtu, ka nunnak hi ka zuah ko sawh law, na dinnak hi lunglawm tein ka thanh lai.

SALM 55:3

Ka ral nih an ka tlerhnak le miṭhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.

SALM 55:4

Ka lung cu ṭihnak in a khat, an ka thah sual lai ti kha ka phang tuk.

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

1 SAMUEL 2:12

Cun Eli fapa hna cu mizeiruaramlo an si; Bawipa kha an hmaizah lo.

1 SAMUEL 25:17

Cucaah mah hihi hngal law zeidah ka tuah lai ti kha i ruat tuah; zeitintiah kan bawipa le a innchungkhar vialte cung i ṭhat lonak tuah kha timh a si cang, amah hi ahohmanh nih chawnh khawh loin michiakha a si fawn ṭung,” tiah a ti.