2 SAMUEL 16:5 - Lai (Hakha) Common Language Bible 2006

⁵ David Siangpahrang cu Bahurim ah a phak tikah, Saul chung a simi innchungkhar chungin mipa pakhat a ra chuak i a min cu Shimei a si, amah cu Gera fapa a si; a chuah pah cun chiat a serh lengmang.

2 SAMUEL 16:5 ပူးပေါင်းရင်းမြစ်များ

2 SAMUEL 16:14

Cun siangpahrang le a sinah a ummi vialte cu baa cikcek in Jordan kha an phan i khika ah khan aa hrim.

2 SAMUEL 16:4

Cun siangpahrang nih Ziba cu a thawh i, “Zohhmanh, Mefibosheth ta a simi vialte cu nangmah ta an si cang,” tiah a ti. Cun Ziba nih, “Upatnak kan pek; na mithmuh ah, siangpahrang ka bawipa, mithmai ṭha hmu ko ning,” tiah a ti.

2 SAMUEL 16:6

Cun David le David Siangpahrang sinum vialte kha lung in a cheh hna; mi vialte le miṭhawng vialte cu a orhlei le a kehlei ah khan an um.

2 SAMUEL 17:18

Sihmanhsehlaw tlangval pakhat nih a hmuh hna i Absalom kha a va chimh; cucaah an pahnih in khulrang in an kal i Bahurim i mipa pakhat inn ah khan an va phan i cu pa nih cun a inntual ah tikhor pakhat a rak ngei i cu chungah cun an vung lut.

2 SAMUEL 23:31

Arbath mi Abialbon, Bahurim mi Azmaveth,

2 SAMUEL 3:16

Sihmanhsehlaw a va nih khan a zulh i Bahurim tiangin a ṭah lengmang. Cun Abner nih amah cu, “Va kal law va kir tuah,” tiah a ti i a kir.

ESTHER 2:5

Susa khuapi chungah cun Judah mi pakhat, a min Mordekai a simi a um; amah cu Jair fapa a si, Jair cu Shimei fapa a si, Shimei cu Benjamin phun Kish fapa a si;

JOB 30:11

Pathian nih ka liza cu a dorh i a ka ṭhumh caah, Ka hmai i an i sum tawnnak kha an hlonh cang.

SALM 102:8

Chun nitlak in ka ral nih an ka nihsawh, nihchuak capo i a ka saitu pawl nih ka min cu chiatsernak ah an hman.

SALM 109:28

Annih nih cun chiat an ka serh lai, sihmanhsehlaw nang nih cun thluachuah na ka pek lai. A ka hremtu cu sung hna seh law na sal kei tu cu lunglawm in umning.

SALM 69:26

Dan na tat cangmi kha an hrem chinchin hna i nganfahnak na inter cangmi hna kha an thangchiat hna.

EXODUS 22:27

zeicahtiah cu lawng cu pei khualumnak ding caah i khuhnak a ngeih cu. Cucu nan lakpiak ahcun zeidah aa vorh ti kun lai? Bawmhnak duh ah a ka auh tikah ka leh lai, zeicahtiah kei cu mi zaangfah hmangmi ka si.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

PHUNGTHLÛKBIA 26:2

Hram ngei loin chimmi chiatserhnak cu, aa chawk lengmangmi pithlung bantuk le a zuang lengmangmi vanva bantuk a si, chiatserhmi kha a futhnawh kho lo.

PHUNGCHIMTU 10:20

Siangpahrang cu a thlite hmanh in congoih hlah, Mirum cu nan ihnak khan chung hmanh ah congoih hlah, Zeicahtiah thli lak i a zuangmi va nih na aw cu an kalpi lai i na chimmi cu an va chimh sual ko hna lai.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

1 SAMUEL 17:43

Cun Filistin mipa nih cun David cu, “Uico maw ka si i fung he na ka rathnawh?” tiah a ti. Cun Filistin mipa nih cun a pathian hna kha i chalh in David cu chiat a serh.