2 SAMUEL 16:2 - Lai (Hakha) Common Language Bible 2006

² Cun siangpahrang nih Ziba cu a thawh i, “Zeicahdah mah hihi na rak phorh hna?” tiah a ti. Ziba nih cun a leh i, “Laa hi siangpahrang innchungkhar cit awkah an si; changreu le ṭhal thingthei hi tlangval hna ei awk caah an si i mitsur hang hi ramlak i a bami hna caah a si,” tiah a ti.

2 SAMUEL 16:2 ပူးပေါင်းရင်းမြစ်များ

GENESIS 21:29

cucu Abimelek nih, “Zeicahdah kha ti khan na tuah?” tiah a hal.

GENESIS 33:8

Cun Esau nih, “Bu dang ka tonmi hna kha tah? Zei sullam dah khakha a si?” a ti. Jakob nih, “Na ka zaangfah khawh nakhnga ca i ka rak thlahmi an si, bawipa,” tiah a leh.

2 SAMUEL 15:1

Hi hnuah hin Absalom nih rangleng pakhat le rang hna le a hmai i a tlitu dingmi sawm nga aa chiah hna.

2 SAMUEL 15:23

Cun mi vialte an lanh cuahmah caah ram vialte cu fak piin a ṭap, siangpahrang nih Kidron tivarek kha a tan i mi vialte cu ramlak leiah khan an lan.

2 SAMUEL 17:29

khuaihliti le cawhnuk khal le tuu hna le cawrun chungin hmuhmi cawhnuk kham, David le a sin i a ummi hna ei awkah khan an rak put hna; zeitintiah annih nih, “Mi cu ramlak ah an rawl a ṭam; an ba i an ti a hal ko,” tiah an ti.

2 SAMUEL 19:26

Cun anih nih a leh i, “Maw siangpahrang ka bawipa, ka sinum nih a rak ka hlen; zeitintiah na sal nih amah cu, ‘Laa pakhat in ka danhpiak tuah, kaa cit i siangpahrang sinah ka kal nakhnga,’ tiah ka ti. Zeitintiah na sal cu kebei ka si.

EZEKIEL 37:18

Na phun hawi nih, hihi a sullam zeidah a si tiah an in hal tikah,

BIACEIHTU 10:4

Cun amah cu fapa sawm thum, laa sawm thum aa citmi a ngei; cun khua sawm thum an ngei i nihin tiangin Havvoth-jair ti an si i Gilead ram ah an um.

BIACEIHTU 5:10

“Nannih laa raang hna cung i aa citmi hna, Nannih man fak puanphah cung i a ṭhumi hna, Nannih lam i a kalmi hna, A kong cu chim tuah u.

1 SAMUEL 14:28

Cun mi pakhat nih, “Na pa nih mi kha chiatserhnak in fek tein bia a beuh hna i, ‘Nihin i rawl a eimi cu chiat siseh,’ a ti,” tiah a ti. Cun mizapi cu an buhri dih.

1 SAMUEL 25:27

Cun na sal nih ka bawipa sinah ka rak putmi laksawng hi ka bawipa zultu tlangval hna cu pek si hna seh.