2 SAMUEL 16:12 - Lai (Hakha) Common Language Bible 2006

¹² Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

2 SAMUEL 16:12 ပူးပေါင်းရင်းမြစ်များ

2 SAMUEL 16:13

Cucaah David le a mi hna cu lam ah cun an kal ko i Shimei nih cun an ral tlangpang in a kalhnawh hna i a kal pah cun chiat a serh lengmang i lung hawi hna in a cheh i leidip hawi hna a vorh hna.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 109:28

Annih nih cun chiat an ka serh lai, sihmanhsehlaw nang nih cun thluachuah na ka pek lai. A ka hremtu cu sung hna seh law na sal kei tu cu lunglawm in umning.

SALM 132:1

Maw Bawipa, David kha philh hlah, a rianṭuanmi vialte zong kha philh hlah.

SALM 25:18

Ka retheihnak vialte le ka innak vialte kha ka ruahpiak hna law Ka sualnak vialte cu ka ngaithiam ko hna.

PHUNGTHLÛKBIA 25:22

Cu ti na tuah ahcun a lu cungah meiṭil kha na pumh hna a si lai i Bawipa nih nangmah cu an rulh lai.

PHUNGTHLÛKBIA 26:2

Hram ngei loin chimmi chiatserhnak cu, aa chawk lengmangmi pithlung bantuk le a zuang lengmangmi vanva bantuk a si, chiatserhmi kha a futhnawh kho lo.

ISAIAH 27:7

Israel kha Bawipa nih dan a tatmi cu, a ral hna a tatmi hna tluk khan cun a fak lo, minung zong a ral hna tluk khan cun an thi lo.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

DEUTERONOMI 23:6

Nan nunchung vialte anmah he i remnak le an rumnak kha zeitikhmanh ah nan kawlpiak hna lai lo.

2 THESALON 1:7

sifah a ingmi nan cung le kanmah cung zongah damnak a tlunter lai. Bawipa Jesuh nih a vancungmi miṭhawng hna le

HEBRU 12:10

Minung kan pale nih cun anmah nih ahmaan ti i an hmuhning in an kan chimhhrin i caan tawite ca lawng a si tawn; sihmanhsehlaw Pathian nih a kan chimhhrin cu kanmah ca ṭha dingah le a thiannak kha kan i hrawm khawh ve nakhnga caah a si.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.