2 SAMUEL 16:1 - Lai (Hakha) Common Language Bible 2006

¹ Cun David cu tlangpar kha tlawmte a hei lonh ah khin Mefibosheth sinum Ziba nih khan, kengdan aa danh i changreu tlang za hnih, mitsur car bor za khat, ṭhal thingthei za khat le mitsur hang cua khat a phormi laa pahnih he a rak don.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

2 SAMUEL 15:32

Cun David cu tlangpar i Pathian biaknak hmun kha a phak tikah, zohhmanh, Arki mi Hushai kha a angkileng tlek le a lu ah vawlei i phulh in amah ton awkah khan a ra.

2 SAMUEL 19:17

cun amah sinah cun Benjamin mi thong khat an um. Cun Saul innchungkhar sinum Ziba kha a fapa hleinga le a sinum pakul he tiah, siangpahrang hmaiah khan Jordan tiva ah cun an rung tli,

2 SAMUEL 19:32

Barzillai cu upa ngaingai a si, kum sawm riat a si; cun siangpahrang cu Mahanaim i a um lioah khan rawl a rak pek; zeitintiah amah cu mirum ngaingai a si.

1 CHANRELNAK 12:40

Cun an innpa hna zong nih khan, Issakhar le Zebulun le Naftali ram hna tiang i a ummi hna nih khan, laa in le kalauk in le khacer in le cawtum in rawl le ei awk phun tling, theipi car hlum hna, mitsur car bor hna, mitsur hang, chiti, cawtum hna le tuu hna kha an rak phorh hna, zeicahtiah Israel ram chungah lawmhnak a um.

PHUNGTHLÛKBIA 18:16

Laksawng nih laksawng petu caah khan lam a hun i mingan hna sinah khan a phakpi.

JEREMIAH 40:10

Kei cu Mizpah ah hin ka um lai i Khaldi mi hna hi an rat paoh ah ka rak zohkhenh hna lai; sihmanhsehlaw nannih cu mitsur hang le ṭhal caan theitlai hna le chiti kha pum hna u law um chungah khan khong hna u law nan lakmi khua hna chungah khan um ko hna u,” tiah a ti hna.

JEREMIAH 40:12

Cucaah an i ṭheknak hmun khan Judah mi vialte cu Judah ram ah khan an ra kir i Mizpah i Gedaliah sinah cun an ra chuak; cun mitsur hang le ṭhal caan theitlai kha tam nawnpi an pumh.

AMOS 8:1

Bawipa Pathian nih a ka hmuhtermi cu hihi a si: Ṭhal caan thei bawm pakhat a um i,

MIKAH 7:1

Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

1 SAMUEL 10:3

Cun cuka cun na va kal deuh lai i Tabor kuhthing kha na hei phan lai; cuka ah cun Bethel i Pathian sinah a hung kalmi mi pathum nih an in ton lai, pakhat nih meheh fa pathum aa cawi hna lai, cun pakhat nih changreu tlang thum aa put lai i pakhat nih mitsur hang cua khat aa phorh lai.

1 SAMUEL 16:20

Cun Jesse nih changreu le mitsur hang cua khat a phormi laa pakhat le meheh fa pakhat kha a lak i a fapa David sinin Saul sinah khan a kuat hna.

1 SAMUEL 25:18

Khi tikah Abigail cu aa namhnawh i changreu hlum za hnih le mitsur hang cua hnih le chumh awk i can ciami tuu panga le vaireu rel nga le mitsur bor za khat le theipi hlum za hnih, aa lak hna i laa cungah a chuan hna.