2 SAMUEL 15:28 - Lai (Hakha) Common Language Bible 2006

²⁸ Zohhmanh, ramlak i tiva tannak ah khan keimah thanh awkah nan sinin bia ka hmuh hlantiang ka rak um lai,” tiah a ti.

2 SAMUEL 15:28 ပူးပေါင်းရင်းမြစ်များ

2 SAMUEL 15:23

Cun mi vialte an lanh cuahmah caah ram vialte cu fak piin a ṭap, siangpahrang nih Kidron tivarek kha a tan i mi vialte cu ramlak leiah khan an lan.

2 SAMUEL 15:29

Cucaah Zadok le Abiathar nih Pathian kuang kha Jerusalem ah an hei kalpi ṭhan i khika ah khan an um.

2 SAMUEL 16:2

Cun siangpahrang nih Ziba cu a thawh i, “Zeicahdah mah hihi na rak phorh hna?” tiah a ti. Ziba nih cun a leh i, “Laa hi siangpahrang innchungkhar cit awkah an si; changreu le ṭhal thingthei hi tlangval hna ei awk caah an si i mitsur hang hi ramlak i a bami hna caah a si,” tiah a ti.

2 SAMUEL 17:1

Cuhleiah Ahithophel nih Absalom cu a thawh i, “Mi thong hleihnih in thim hna ning law, tuzan ah hin kaa thawh lai i David kha ka dawi lai.

2 SAMUEL 17:16

Cucaah khulrang in mi hei thlah hna u law David cu, ‘Tuzan ah ramlak i ti tannak hmun ah khan rak riak hlah, zeiti a si hmanh ah na rak lan lai; cu ti a si lo ahcun siangpahrang le a sin i a ummi vialte cu dolh nan si sual lai,’ tiah va chim u,” tiah a ti hna.

JOSHUA 5:10

Israel mi hna cu Gilgal i an riah lioah, Jeriko nelrawn ah cun, cu thla ni hleili ni zanlei ah lanhtak puai kha an tuah.