2 SAMUEL 15:25 - Lai (Hakha) Common Language Bible 2006

²⁵ Cun siangpahrang nih Zadok cu a thawh i, “Pathian kuang kha khua chungah va kirpi ṭhan tuah. Bawipa hmaiah mithmai ṭha ka hmuh ahcun, a ka kirpi ṭhan lai i mah hi he, a umnak he a ka hmuhter ṭhan lai;

2 SAMUEL 15:25 ပူးပေါင်းရင်းမြစ်များ

2 SAMUEL 6:17

Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.

2 SAMUEL 7:2

siangpahrang nih profet Nathan cu a thawh i, “Zohhmanh, kei cu sidar thing inn chungah ka um i sihmanhsehlaw Pathian kuang cu puan thlam chungah a um ko,” tiah a ti.

SALM 122:1

“Bawipa inn ah kal u sih,” an ka ti tikah khan ka rak i lawm.

SALM 122:9

Bawipa kan Pathian inn ruangah, na ṭhatnak ding caah thla ka cam.

SALM 26:8

Bawipa, na umnak inn kha ka tlaihchan i na sunparnak a umnak hmun kha ka duh.

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

EXODUS 33:12

Moses nih Bawipa cu a thawh i, “Hi mi hna hi kha ram ah khan kalpi hna tiah na ka ti taktak, asinain ahodah ka sinah na kalter lai ti kha na ka chim lo. Asinain, ‘Nangmah cu fiang tein kan hngalh i na cungah ka lung a tling,’ na ka ti ṭhiamṭhiam fawn.

EXODUS 33:13

Cucaah ka cung i na lung a tlin a si ahcun, naa tinhmi kha ka hngalh khawh nakhnga le na lung kan tlinter khawh nakhnga, naa tinhmi cu ka chim tuah. Cun hi miphun hi nangmah miphun an si zong kha philh fawn hlah,” tiah a ti.

ISAIAH 38:22

Cun Siangpahrang Hezekiah nih cun, “Biakinn ah ka kal kho ṭhan lai tinak ah zei hmelchunhnak dah a um lai?” tiah a ti.

JEREMIAH 25:30

“Ka chimmi bia vialte cu na thanh hna lai i ‘Bawipa cu cung sangpi khin a rung au lai, A umnak hmunthiang khin khuarit in a rung ri lai. Amah tuurun chungah khan fak piin a huk lai i Mitsur thei a nengtu hna an au thawng bantukin vawleicung mi vialte cungah khan a au lai.

JEREMIAH 7:4

Nannih nih nan i thawh i, ‘Hi hmun hi Bawipa biakinn a si,’ Bawipa biakinn a si, Bawipa biakinn a si,’ tiah nan ti lengmang,’ hi bia lih a simi hi i bochan hlah u.