2 SAMUEL 15:23 - Lai (Hakha) Common Language Bible 2006

²³ Cun mi vialte an lanh cuahmah caah ram vialte cu fak piin a ṭap, siangpahrang nih Kidron tivarek kha a tan i mi vialte cu ramlak leiah khan an lan.

2 SAMUEL 15:23 ပူးပေါင်းရင်းမြစ်များ

2 SAMUEL 15:22

Cun David nih Ittai cu, “A si ahcun, kal law lan ko kun,” tiah a ti. Cucaah Git mi Ittai cu a mi vialte le amah sin i a ummi ngakchia vialte hna he khan an lan.

2 SAMUEL 15:28

Zohhmanh, ramlak i tiva tannak ah khan keimah thanh awkah nan sinin bia ka hmuh hlantiang ka rak um lai,” tiah a ti.

2 SAMUEL 16:2

Cun siangpahrang nih Ziba cu a thawh i, “Zeicahdah mah hihi na rak phorh hna?” tiah a ti. Ziba nih cun a leh i, “Laa hi siangpahrang innchungkhar cit awkah an si; changreu le ṭhal thingthei hi tlangval hna ei awk caah an si i mitsur hang hi ramlak i a bami hna caah a si,” tiah a ti.

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

1 SIANGPAHRANG 2:37

Zeitintiah na chuah i Kidron tivarek na tan ni ah, ka thi hrimhrim lai, ti kha vaa hngalh; na thisen cu nangmah lu cung lila ah a tla lai,” tiah a ti.

2 CHANRELNAK 29:16

Tlangbawi hna cu Bawipa inn chungchin thianh awkah khan an lut i Bawipa biakinn chungah thurhhnawmhnak an hmuhmi vialte kha Bawipa inn inntual ah an chuahpi hna i Levi mi hna nih khan an lak i Kidron tivarek ah khan an kalpi.

JEREMIAH 31:40

Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

MATTHAI 3:1

Cu caan ah cun Tipil petu Johan kha a hung chuak i Judea ram ramcar chungah khan phung a chim.

MATTHAI 3:3

Profet Isaiah nih, “Mipa pakhat cu ramlak ah a au i ‘Bawipa cu a lam kha rak sialpiak u, A kalnak dingah lam kha ding tein rak tuahpiak u,’ tiah a ti,” a ti tikah khan a rak chimhnawhchan duhmi cu Johan hi a si.

LUKA 1:80

Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

JOHAN 18:1

Jesuh nih hi bangin thla a cam dih hnuah a zultu hna he khan Kidron varek ralchan ah khan an kal. Cuka ah cun dum pakhat a um i cu dum chungah cun Jesuh le a zultu hna cu an lut.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.