2 SAMUEL 15:21 - Lai (Hakha) Common Language Bible 2006

²¹ Sihmanhsehlaw Ittai nih siangpahrang cu a leh i, “Bawipa nih a nun bangin le siangpahrang ka bawipa nih a nun bangin, siangpahrang ka bawipa a umnak hmun paoh ah, thih siseh nun siseh, khika ah na salpa cu ka um ve lai,” tiah a ti.

2 SAMUEL 15:21 ပူးပေါင်းရင်းမြစ်များ

2 SAMUEL 15:22

Cun David nih Ittai cu, “A si ahcun, kal law lan ko kun,” tiah a ti. Cucaah Git mi Ittai cu a mi vialte le amah sin i a ummi ngakchia vialte hna he khan an lan.

2 SIANGPAHRANG 2:2

Cun Elijah nih Elisha cu a thawh i, “Hika ah hin rak um tuah, tiah kan nawl; zeitintiah Bawipa nih Bethel tiang kal a ka fial,” tiah a ti. Sihmanhsehlaw Elisha nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Bethel ah an vung kal.

2 SIANGPAHRANG 2:4

Elijah nih cun a thawh i, “Elisha, hika ah hin rak um tuah, tiah kan nawl; Bawipa nih Jeriko tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah Jeriko an phan.

2 SIANGPAHRANG 2:6

Khi tikah Elijah nih cun a thawh i, “Hika ah hin rak um tuah, tiah kan nawl; zeitintiah Bawipa nih Jordan tiang kal a ka fial,” tiah a ti. Sihmanhsehlaw anih nih, “Bawipa a nun bangin le nangmah hrimhrim na nun bangin, kan umtak lai lo,” tiah a ti. Cucaah an pahnih in an va kal.

2 SIANGPAHRANG 4:30

Khi tikah ngakchia a nu nih khan, “Bawipa a nun bangin le nangmah hrimhrim na nun bangin, kan kaltak lai lo,” tiah a ti. Cucaah a tho i a zulh.

PHUNGTHLÛKBIA 17:17

Hawikom nih cun zei tik paoh ah dawt zungzal a si, u le nau cu harnak i hrawm awkah hrin kan si.

PHUNGTHLÛKBIA 18:24

Hawikom a cheu khat cu pakpalawng biachim lawngah an ṭhahnem, sihmanhsehlaw unau nakin a fek deuhmi hawikom zong an um ve.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

2 KORIN 7:3

Hi bantukin ka chim hi nanmah kha sualphawt kan duh hna caah a si lo; ka chim cang bang khan nannih cu kan lungthin chungah nan um tuk hringhran caah a si i kan nun ah nun ṭi, kan thih ah thih ṭi kan si ko lai.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.