2 SAMUEL 15:20 - Lai (Hakha) Common Language Bible 2006

²⁰ Nizan lawng i a rami na si i ka vahvaihnak kip ah maw kan vahpi hnga, khuazei ah ka kal lai ti awk hmanh ka hngalh ṭung lo? Va kir ṭhan law na unaule hna hi nangmah sinah kirpi hna; Bawipa nih a fekmi dawtnak le zumhawktlak a sinak cu in hmuhsak ko seh,” tiah a ti.

2 SAMUEL 15:20 ပူးပေါင်းရင်းမြစ်များ

2 SAMUEL 2:5

Jabesh-gilead mi sinah cun lamkaltu a hei thlah hna i, “Nannih nih hi zumhawktlaknak kha nan bawi Saul cungah nan langhter i nan vui caah Bawipa nih thluachuahnak in pe ko hna seh!

2 SAMUEL 2:6

Atu cu Bawipa nih nan cungah a fekmi dawtnak le zumhawktlaknak kha langhter ko seh! Cun nannih nih hi thil hi nan tuah caah nan cungah ṭhatnak ka tuah lai.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

SALM 56:8

Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

SALM 57:3

Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

SALM 59:15

Rawl kawl ah an vak i a za an hmuh lo tikah an zai.

SALM 61:7

Pathian, na hmaika ah cun zungzal in uktu si seh law a fekmi na dawtnak le zumhawktlak na sinak khan amah cu kilveng ko.

SALM 61:8

Cucaah ni khat hnu ni khat, na sinah bia kaa kammi ka tlinter pah in nangmah thangṭhatnak cu hla in ka sa zungzal lai.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

PHUNGTHLÛKBIA 14:22

Ṭhatnak caah rian na ṭuan ahcun mi nih an in zumh lai i an in upat lai, sihmanhsehlaw chiatnak caah na tuah ahcun na palh hrimhrim ko.

PHUNGTHLÛKBIA 3:3

Felnak le zumh awk tlakmi sinak kha i chuahtakter hna hlah, Na hngawng ah i ngerh hna law na lung tlap cungah i ṭial hna.

AMOS 8:12

Mi cu Bawipa bia kawl ah rili in rili tiang an kal lai i Chaklei in nichuahlei tiang an kal lai, Sihmanhsehlaw an hmu lai lo.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

1 SAMUEL 23:13

Cun David le a mi za ruk tluk a simi hna cu an tho i Keilah khan an chuak i an kal khawhnak paoh ah an kal. David cu Keilah khua in a chuak cang ti kha Saul cu an chimh tikah va tuk awk kha aa ṭhul.