2 SAMUEL 15:14 - Lai (Hakha) Common Language Bible 2006

¹⁴ Cun David nih Jerusalem ah a sin i a ummi vialte hna kha, “Tho u law, zam u si; Absalom sin hin kan caah luatnak um loin a um sual lai; khulrang in kal u, cu ti a si lo ahcun a kan phanh sual lai i kan cungah ṭhat lonak a tlunter sual lai i khuapi hi vainam in a sam dih sual lai,” tiah a ti.

2 SAMUEL 15:14 ပူးပေါင်းရင်းမြစ်များ

2 SAMUEL 12:11

Hi bangin Bawipa nih, ‘Zohhmanh, nangmah inn chung lila in ṭhat lonak nangmah cungah ka chuahter lai i na mitka hrimhrim ah na nupile hna cu ka lak hna lai i na innpa kha ka pek hna lai i hi ni ka hmuh hngan ah hin na nupile cu a ihpi hna lai.

2 SAMUEL 15:15

Cun siangpahrang sinum hna nih khan siangpahrang cu, “Zohhmanh, na sal hna hi siangpahrang kan bawipa nih tuah awk tiin bia a khiahmi paoh tuah dingah kan i manh ko,” tiah an ti.

2 SAMUEL 19:10

Sihmanhsehlaw kanmah uktu ding i chiti kan thuhmi Absalom cu raltuknak hmun ah a thi cang. Cucaah zeicahdah siangpahrang kirpi ṭhannak ding kongah hin zeihmanh nan chim lo,” tiah an i ti.

2 SAMUEL 19:9

Israel phun an dihlak chungah khan mi vialte, pakhat le pakhat i alnak a um i, “Siangpahrang nih khan kan ral hna kut chungin a rak kan chuah i, Filistin mi hna kut chungin a rak kan khamh; atu cu Absalom sinin ram chungin a zam cang.

SALM 51:18

Maw Pathian, Zion cu zaangfah law bawm tuah; Jerusalem kulhnak vampang cu remh ṭhan hna.

EZEKIEL 46:18

Uktu bawi nih khan mi nih an ngeihmi thilri kha a lakpiak hna lai lo; a fapale kha ro pek a duh hna tikah amah nih a ngeihmi vawlei khan a cheuh hna lai i cuticun ka mi hna cu an ro sin khan an i ṭhen lai lo i an i ṭhek lai lo.

MATTHAI 11:12

Johan nih a rat ri in nihin ni tiang Vancung Pennak hi tonghmang loin tuknak a ing i tonghmang loin khua a sami hna nih cun lak an timh.

LUKA 10:15

Cun maw Kapernaum, vancung i hun i hlorh khi na duh mu? Hell chungah khin vun hlonh na si lai,” a ti.