2 SAMUEL 15:10 - Lai (Hakha) Common Language Bible 2006

¹⁰ Sihmanhsehlaw Absalom nih Israel mi phun vialte hna sinah khan a thli tein lamkal a thlah hna i, “Muko thawng kha nan theih cangka, ‘Absalom cu Hebron ah siangpahrang a si!’ tiah nan ti lai,” tiah a ti hna.

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

2 SAMUEL 14:30

Cu tikah a sinum cu a thawh hna i “Vei mu, liou hna, Joab lo cu keimah lo chang ah khan a si i a chungah barli a ngei hna khah, va kal u law mei in va duah hna uh,” tiah a ti. Cucaah Absalom sinum hna nih khan a lo cu mei in an duah.

2 SAMUEL 15:9

Siangpahrang nih cun, “Dai tein va kal tuah,” tiah a ti. Cucaah a tho i Hebron ah a kal.

2 SAMUEL 19:10

Sihmanhsehlaw kanmah uktu ding i chiti kan thuhmi Absalom cu raltuknak hmun ah a thi cang. Cucaah zeicahdah siangpahrang kirpi ṭhannak ding kongah hin zeihmanh nan chim lo,” tiah an i ti.

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 2:11

Cun Hebron khua i Judah hrin hna cung i David siangpahrang a si chung cu kum sarih le thla ruk a si.

2 SAMUEL 5:5

Hebron ah Judah mi kha kum sarih le thla ruk a pen hna; cun Jerusalem ah Israel mi vialte le Judah mi vialte kha kum sawm thum le kum thum a pen hna.

1 SIANGPAHRANG 1:11

Cun Nathan nih Solomon nu Bathsheba kha a thawh i, “Haggith fapa Adonijah kha kan bawipa David hngalh loin siangpahrang a si cang, ti hi na hngal lo dahra?

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

1 CHANRELNAK 11:3

Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh.

1 CHANRELNAK 12:23

Bawipa bia ningin, Saul pennak cu David kha pek awkah amah sinah Hebron khua ah a rami hriamnam a ngeimi ralkap hna an i cheuning cu mahtihin a si.

1 CHANRELNAK 12:38

Hi ralkap vialte hna, raldohnak hmun i chuah awkah timh cia tein a ummi hna cu, David kha Israel siangpahrang ah kan ser hrimhrim lai tiah i tim in Hebron ah an ra; cu bantuk ṭhiamṭhiam in Israel mi vialte hna zong cu David kha siangpahrang i ser awkah lungkhat tein an um.