2 SAMUEL 14:6 - Lai (Hakha) Common Language Bible 2006

⁶ Cun na salnu nih hin fapa pahnih ka ngeih hna i lo ah an i si i a ṭhentu hna an um lo i pakhat nih pakhat cu a tuk i a thah.

2 SAMUEL 14:6 ပူးပေါင်းရင်းမြစ်များ

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

2 SAMUEL 13:29

Cucaah Absalom sinum hna nih khan Absalom i nawl a pek hna bangin Amnon cungah khan an tuah. Khi tikah siangpahrang fapa vialte kha an tho i an laa cio kha an i cit i an zam.

2 SAMUEL 14:5

Cun siangpahrang nih, “Zeidah na harnak cu a si?” tiah a ti. Cun anih nih, “Cu ngai tak cu, nuhmei ka si i ka va a thi cang.

2 SAMUEL 14:7

Cun atu cu an innchungkhar ningin na salnu hi an ka thawhhnawh i, ‘A thahmi a unaupa nunnak a lak ruangah khan amah cu kan thah nakhnga, a unaupa a tutu kha hun chuah tuah,’ tiah an ka ti. Cuticun rocotu ding zong kha hrawh an duh. Cu bantukin annih nih ka meiṭil a tangmi cu hmih an duh i ka vapa caah hi vawlei cungah hin min siseh, a tangmi siseh, zeihmanh nganh an duh lo,” tiah a ti.

EXODUS 2:13

A thaizing ah khan a va kal ṭhan i Hebru mi pahnih an rak i velh len ko kha a hmuh hna. A sualpa cu a thawh i, “Zeicahdah na phunhawi a si mipa cu na velh len ko?” a ti.