2 SAMUEL 14:32 - Lai (Hakha) Common Language Bible 2006

³² Absalom nih Joab cu a leh i, “Zohhmanh, nangmah cu bia kan cah i, ‘Hika ah hin ra law, “Zeicahdah Geshur in ka rat kun? Khika ah khan rak um ko ning law ka caah a ṭha deuh hnga,” tiin siangpahrang cu va hal awkah kan thlah lai,’ ka ti. Cucaah atu cu siangpahrang kha ka hmuhter tuah; ka cungah mawhchiatnak a um a si le, amah nih rak ka that ko seh,” tiah a ti.

2 SAMUEL 14:32 ပူးပေါင်းရင်းမြစ်များ

GENESIS 3:12

Mipa nih cun, “Na ka serpiakmi nu nih khan thei cu ei awkah a ka pek i ka ei,” tiah a leh.

2 SAMUEL 13:37

Sihmanhsehlaw Absalom cu a zam i Geshur siangpahrang Ammihud fapa Talmai sinah khan a va kal. Cun David nih a fapa cu ni khat hnu ni khat a ṭah lengmang.

2 SAMUEL 14:31

Khi tikah Joab cu a tho i Absalom cu a inn ah a va kalhnawh i, “Zeicahdah na sinum hna nih ka lo kha an duah?” tiah a ti.

2 SAMUEL 3:3

a pahnihnak cu Karmel ram Nabal nupi ro Abigail i fapa Khileab a si; a pathumnak cu Geshur siangpahrang Talmai i fanu Maakah i fapa Absalom a si;

SALM 36:2

Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

EXODUS 14:12

Hi bantuk thil a tlung te lai ti kha kan kal hlan in kan in chim cang lo mei? Kan in thawh i, ‘Kannih cu kan kaltak ko, Izipt mi sal si ko u sih,’ kan in ti. Hika thetse ram i thihnak cun sal si kha kan caah a ṭha deuh,” an ti.

EXODUS 16:3

“Bawipa nih Izipt ram ah khan rak kan that lawlaw seh law kan duh deuh hnga. Izipt ram ah khan cun sa um hram ah khan kan ṭhu i kan duh zat in rawl kan ei. Sihmanhsehlaw atu cu hi ramcar chungah hin nan kan chuahpi i rawlṭam in kan thi dih cang lai,” an ti.

EXODUS 17:3

Sihmanhsehlaw mi cu an ti a hal tuk i Moses cu an zaihnawh i, “Zeicahdah Izipt ram khan na kan chuahpi? Kanmah he kan fale he kan saṭil he ti haal in thah awkah maw na kan chuahpi?” an ti.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

MATTHAI 25:44

Khi tikah annih nih, ‘Zeitik te ah khan dah na rawl a ṭam, na ti a hal, puan aih awk ngei loin na um, khual na si, na zawt, thong ah na tlak i kan in hramh duh lo cu a si?’ tiah an leh lai.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

1 SAMUEL 15:13

Cun Samuel cu Saul sinah a ra i Saul nih khan amah cu, Bawipa nih thluachuahnak in pe ko seh; Bawipa nawlbia cu ka tuah cang,” tiah a ti.

1 SAMUEL 20:8

Cucaah nangmah nih na sal hi nangmah he biakamnak thiang chungah na luhpi cang caah, na sal cungah hin zaangfahnak ngei ko. Sihmanhsehlaw keimah chungah hin mawhnak a um a si ahcun, nangmah nih ka that ko; zeicahtiah, zeicahdah na pa sinah cun na ka kalpi len lai?” tiah a ti.