2 SAMUEL 14:3 - Lai (Hakha) Common Language Bible 2006

³ cun siangpahrang sinah na va kal lai i hi bangin na va chim lai,” tiah a ti. Cuticun Joab nih a kaa chungah bia cu a khaih.

2 SAMUEL 14:3 ပူးပေါင်းရင်းမြစ်များ

2 SAMUEL 14:19

Siangpahrang nih a thawh i, “Hi thil kong ah hin na sinah Joab kut aa tel maw?” tiah a ti. Cun minu nih cun a leh i, “Siangpahrang ka bawipa nangmah na nun hrimhrim bantukin, siangpahrang ka bawipa nih a chimmi thil zeihmanh hin aho hmanh kehlei ah siseh, orhlei ah siseh an i mer kho lai lo. A ka fialtu cu na sal Joab kha a si; hi bia vialte na salnu ka kaa chungah a ka khaihtu cu amah kha a si.

2 SAMUEL 14:4

Tekoa minu cu siangpahrang sinah a rat tikah vawlei lei hoih in a bawk i upatnak kha a tuah i, “Maw siangpahrang ka bawm tuah,” tiah a ti.

EZRA 8:17

Kasifia hmun i hruitu a simi Iddo sinah khan ka thlah hna. Annih cu Kasifia i a ummi Iddo le a unau biakinn rianṭuantu hna sin i va chim awk kha ka chimh hna, cucu zeidah a si tiah, kan Pathian inn i rianṭuantu an kan kuat hna nakhnga ding kha a si.

EXODUS 4:15

Amah kha chim ding cu na chimh lai. Nan pahnih in chim awk kha kan bawmh hna lai i nan pahnih in nan tuah awk kha kan chimh hna lai.

ISAIAH 51:16

Van khi ka samh hna i vawlei hram cu ka bunh hna. Zion cu ka thawh i, ‘Nangmah cu ka mi na si! Keimah nih kan cawnpiak cang i ka kut in kan huhphenh,’ ka ti.”

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

JEREMIAH 1:9

Khi tikah Bawipa nih a kut cu a hun samh i ka ka kha a tawngh; cun Bawipa nih cun a ka thawh i, “Zohhmanh, ka bia cu na ka chungah ka chiah cang hna.

DEUTERONOMI 18:18

An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.