2 SAMUEL 14:20 - Lai (Hakha) Common Language Bible 2006

²⁰ Thil kalning kha thlen awkah na sal Joab nih mah hihi a tuah. Sihmanhsehlaw ka bawipa cu vawlei i a ummi thil vialte hngalh awkah Pathian vancungmi fimnak bantuk fimnak na ngei,” tiah a ti.

2 SAMUEL 14:20 ပူးပေါင်းရင်းမြစ်များ

GENESIS 3:5

Pathian nih cu bantukin a ti cu, kha thingthei nan ei ahcun nan ei cangka in amah bantukin hngalhnak nan ngei ve lai i a ṭha le a ṭhalo kha nan hngal ve lai ti a hngalh caah a si,” a ti.

2 SAMUEL 14:17

Cun na salnu nih hin, ‘Siangpahrang ka bawipa bia nih cun dinhnak a ka pek lai, tiah ka ruah; zeitintiah siangpahrang ka bawipa hi a chia le a ṭha thleidan khawh leiah Pathian vancungmi bantuk a si. Bawipa na Pathian cu na sinah um ko seh!” tiah a ti.

2 SAMUEL 18:13

Cun cuhleiah, hrokhrawl in amah kha rak that ko ning law, (siangpahrang sin cun zeihmanh aa thupmi a um ṭung lo i), khi tikah nang cu aa tel lo te bangin na um ṭung hnga,” tiah a ti.

2 SAMUEL 19:27

Cun na sal cu siangpahrang sinah a ka thangchiat cang. Sihmanhsehlaw siangpahrang ka bawipa cu Pathian vancungmi bantuk a si ko; cucaah nangmah nih a ṭha na timi paoh tuah ko.

2 SAMUEL 19:28

Zeitintiah ka innchungkhar vialte cu siangpahrang ka bawipa hmaiah cun thah awk i khilmi men pei an hei si ko cu; asinain nangmah nih na salpa cu na cabuai i rawl a eimi hna lakah na ka chiah. Cucaah siangpahrang sinin thil dang a hal ngam ding ka si ti hnga maw?” tiah a ti.

2 SAMUEL 5:23

Cun David nih Bawipa kha a hal tikah, “Na hung kal hnga lo; an hnulei in na va hel hna lai i balsam thing zawn khan na nam hna lai.

PHUNGTHLÛKBIA 26:28

Lihchim hmangmi lei nih cun a sual lomi kha a sual a lawhter hna, Nalbia nih cun rawhralnak lawng kha a chuahpi.

PHUNGTHLÛKBIA 29:5

A innpa a fakmi cu a ke caah sur rap a chiahpiak a si.

1 SAMUEL 29:9

Cun Akhish nih David cu a leh i, “Nangmah cu keimah mit hmuh ah, Pathian vancungmi tlukin soi awk um lo na si ti kha ka hngalh ko; asinain, Filistin mi ralbawi hna nih khan, ‘Raltuknak hmun ah kan sinah kal hlah seh,’ an ti cang.