2 SAMUEL 14:18 - Lai (Hakha) Common Language Bible 2006

¹⁸ Cun siangpahrang nih minu kha a leh i, “Kan halmi paoh ka sinin zeihmanh thup hlah,” tiah a ti. Cun minu nih, “Siangpahrang ka bawipa nih chim ko seh,” tiah a ti.

2 SAMUEL 14:18 ပူးပေါင်းရင်းမြစ်များ

2 SAMUEL 14:17

Cun na salnu nih hin, ‘Siangpahrang ka bawipa bia nih cun dinhnak a ka pek lai, tiah ka ruah; zeitintiah siangpahrang ka bawipa hi a chia le a ṭha thleidan khawh leiah Pathian vancungmi bantuk a si. Bawipa na Pathian cu na sinah um ko seh!” tiah a ti.

2 SAMUEL 14:19

Siangpahrang nih a thawh i, “Hi thil kong ah hin na sinah Joab kut aa tel maw?” tiah a ti. Cun minu nih cun a leh i, “Siangpahrang ka bawipa nangmah na nun hrimhrim bantukin, siangpahrang ka bawipa nih a chimmi thil zeihmanh hin aho hmanh kehlei ah siseh, orhlei ah siseh an i mer kho lai lo. A ka fialtu cu na sal Joab kha a si; hi bia vialte na salnu ka kaa chungah a ka khaihtu cu amah kha a si.

JEREMIAH 38:14

Siangpahrang Zedekiah nih profet Jeremiah cu a hei cah i Bawipa inn luhnak kutka a pathumnak khan a sinah cun an luhpi. Siangpahrang nih Jeremiah cu a thawh i, “Bia pakhat in kan hal lai, ka sinin zeihmanh thup hlah,” tiah a ti.

JEREMIAH 38:25

Bawi hna nih khan nangmah he bia kan i ruah kha an theih i na sinah an rat i an in thawh i, ‘Siangpahrang sinah na chimmi le siangpahrang nih an chimhmi cu kan chim tuah, kan sinin zeihmanh thup hlah law kan in that lai lo,’ an ti ahcun,