2 SAMUEL 13:9 - Lai (Hakha) Common Language Bible 2006

⁹ Cun ukang kha a lak i a hmaiah cun a bungh; sihmanhsehlaw a ei duh lo. Cun Amnon nih, “Ka sin i a ummi vialte kha chuak dih hna seh,” tiah a ti. Cucaah a sinin an dihlak in an chuak dih.

2 SAMUEL 13:9 ပူးပေါင်းရင်းမြစ်များ

GENESIS 45:1

Josef cu a zimuaitu hna hmaiah khan aa sum kho ti lo i, “Chuak dih hna seh,” tiah a au. Josef nih a unau pawl kha aho a si a chimh hna lioah hin ahohmanh midang a sinah an um lo.

2 SAMUEL 13:10

Cun Amnon nih Tamar cu, “Na kut chung ta cu ka ei nakhnga, inn dal chungah hin rawl cu run luhpi tuah,” tiah a ti. Cun Tamar nih a sermi changreu hlum hna cu a hei kalpi hna i inn dal chungah a ṭa Amnon sinah cun a hei luhpi hna.

2 SAMUEL 13:8

Cucaah Tamar cu a ṭa Amnon inn ah khan, a ih konak ah khan, a va kal. Cun changvut cet kha a lak i a nen i a mit hmuh ah cun changreu hlum cu a ser hna i changreu hlum cu a rawh hna.

JOHAN 3:20

Thil ṭhalo a tuahmi paoh nih cun ceunak kha a huat i ceunak i rat kha a duh lo, zeicahtiah thil ṭhalo a tuahmi langh kha a duh lo.

BIACEIHTU 3:19

Sihmanhsehlaw anih tu cu Gilgal khua pawng i lung suaimi hna umnak khan a kir ṭhan i, “Maw siangpahrang, nangmah caah biathlite pakhat ka ngei,” tiah a ti. Cun, “Dai u,” tiah nawl a pek hna. Cun a sinum vialte cu a sinin an chuak dih.