2 SAMUEL 13:20 - Lai (Hakha) Common Language Bible 2006

²⁰ Cun a ṭa Absalom nih khan a thawh i, “Na ṭa Amnon nih khan an ihpi dahra? Ka farnu, dai tein um ziar ko; amah cu na ṭa a si; mah kong cu lung fak tuk in ruat hlah,” tiah a ti. Cucaah Tamar cu a ṭa Absalom inn ah khan thlavai kiang in a um.

2 SAMUEL 13:20 ပူးပေါင်းရင်းမြစ်များ

GENESIS 34:2

Cuka ram bawi Shekhem, Hiv mi Hamor fapa nih khan a hmuh tikah a tlaih i a ihpi i a min a chiatter.

GENESIS 46:15

Hi hna hi an far Dinah he, Mesopotamia ram ah Leah nih Jakob a hrinpiakmi kha an si. An dihlak ah Leah nih a hrinpiakmi a tefa cu sawm thum le pathum an si.

2 SAMUEL 13:19

Cun Tamar nih cun a lu ah vutcam aa phulh i a ban a saumi a angki fual aa hrukmi cu a thleh i a lu cungah a kut kha aa chuan i a kal, a kalpah cun thang piin a ṭappah lengmang.

2 SAMUEL 13:21

David Siangpahrang nih hi thil vialte hi a theih tikah a thin a hung ngaingai.

2 SAMUEL 14:24

Cun siangpahrang nih, “Amah dang tein amah inn ah khan um seh; ka mui cu ka hmu hlah seh,” tiah a ti. Cucaah Absalom cu a dang tein amah inn ah khan a um i siangpahrang cu a mui a hmu lo.

PHUNGTHLÛKBIA 26:24

Na ral nih cun a kaa cun na thangṭhatnak a chim ko lai. sihmanhsehlaw a lung chung cun hlennak aa pawi.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.