2 SAMUEL 13:19 - Lai (Hakha) Common Language Bible 2006

¹⁹ Cun Tamar nih cun a lu ah vutcam aa phulh i a ban a saumi a angki fual aa hrukmi cu a thleh i a lu cungah a kut kha aa chuan i a kal, a kalpah cun thang piin a ṭappah lengmang.

2 SAMUEL 13:19 ပူးပေါင်းရင်းမြစ်များ

GENESIS 37:29

Reuben nih khan tikhor cu a va zoh ṭhan i Josef kha a rak um ti lo cu a hmuh tikah a ngaihchiatnak langhternak ah a thilpuan kha a thleh hna.

2 SAMUEL 1:11

Khi tikah David nih a thilpuan kha aa tlaih riangmang hna i a thleh hna i cu bantukin amah sin i a ummi vialte nih khan an tuah ve;

2 SAMUEL 1:2

cun a ni thumnak ni ah Saul riahhmun in mipa pakhat, a puan tlek le a lu ah leidip i phulh in a ra. Cun David sin kha a phak tikah vawlei ah a bawk i upatnak kha a tuah.

2 SAMUEL 13:20

Cun a ṭa Absalom nih khan a thawh i, “Na ṭa Amnon nih khan an ihpi dahra? Ka farnu, dai tein um ziar ko; amah cu na ṭa a si; mah kong cu lung fak tuk in ruat hlah,” tiah a ti. Cucaah Tamar cu a ṭa Absalom inn ah khan thlavai kiang in a um.

ESTHER 4:1

An tuahmi vialte cu Mordekai nih a hngalh tikah a puan kha a thleh hna i buri kha a aih i vutcam kha aa phulh, cun khualai ah khan aa chawk i fakpi le lunghno ngaiin a ṭap.

JOB 2:12

Cun annih nih lamhlat piin an hei hmuh tikah an hngal kho lo i an ai thluahmah i an ṭap; cun an puan kha an thleh hna i van lei ah vutcam kha an vorh i an lu cungah an i phulh.

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

JEREMIAH 2:37

Izipt ram in hmaichia in nan kir ko lai, Zeicahtiah nan i bochanmi cu Bawipa nih a hlawt cang hna i Anmah thawng in khuaawng zeihmanh nan pem lai lo.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.

1 SAMUEL 4:12

Cun Benjamin mi pakhat cu raltuknak hmun khan a le i cu ni lila ah cun Shiloh a phan, a puan kha a thleh hna i a lu ah vawlei aa phulh.