2 SAMUEL 12:20 - Lai (Hakha) Common Language Bible 2006

²⁰ Khi tikah David cu vawlei khan a tho i aa kholh i sathau aa thuh i a hnipuan aa thleng i Bawipa inn chungah a lut i Pathian kha a biak; cun amah inn ah khan a kal i a hal hna tikah rawl an hunh i a ei.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Sihmanhsehlaw David nih a sinum hna an i ceih sepmap kha a hmuh tikah, ngakchia cu a thi cang, ti kha a hngalh; cun David nih a sinum hna cu, “Ngakchia cu a thi maw?” tiah a ti hna i, annih nih, “A thi,” tiah an ti.

2 SAMUEL 12:21

Cun a sinum hna nih khan amah cu, “Na tuahmi thil hi zeidah a si? Ngakchia cu a nun lioah rawl na ul i amah cu na ṭah lengmang; sihmanhsehlaw ngakchia cu a thih tikah na tho i rawl na ei,” tiah an ti.

2 SAMUEL 14:2

Cun Joab nih cun Tekoa ah mi a hei thlah hna i khika in a fimmi nu pakhat an va lak i amah cu, “Mithi ngai bantukin naa umter lai i mithi ngaihnak hnipuan kha naa hruk lai; sathau i thuh hlah; sihmanhsehlaw mithi ni tampi a ngai cangmi bantukin na um lai;

2 SAMUEL 19:24

Cun Saul tupa Mefibosheth kha siangpahrang don awkah a rung; siangpahrang a kal ni thawk in him tein a kir ṭhan ni tiang, a ke zong kha a milhtlorh hna lo, a khahmul zong kha a riam hna lo i a hnipuan zong kha a su hna lo.

2 SAMUEL 6:17

Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.

2 SAMUEL 7:18

Khi tikah David cu a lut i Bawipa hmaiah a ṭhu i, “Maw Bawipa Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?

JOB 1:20

Khi tikah Job cu a tho i a puan kha a thleh i a lu aa kawngh i vawlei ah a bawk i Pathian kha a biak.

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

SALM 103:1

Maw ka nunnak, Bawipa cu thangṭhat tuah! Ka sining vialte, a min thiang cu thangṭhat tuah u!

SALM 103:8

Bawipa cu zaangfahnak le dawtnak in a khat, a thin a fual i a fekmi dawtnak in a khat.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!

PHUNGTHLÛKBIA 3:7

Mah mithmuh i a fimmi va si hlah; Bawipa kha ṭih law ṭhat lonak kha mertak ko.

PHUNGCHIMTU 9:8

Lunglawm le thanuam in um zungzal ko.

MATTHAI 6:17

Rawl nan ulh tikah nan hmai i phiah u law nan sam i hriat u,

LUKA 7:46

Ka lu i thuh awkah chiti zeihmanh na ka pe lo, sihmanhsehlaw anih nih cun ka ke kha zihmui in a culh.

RUTH 3:3

Cucaah i kholh law, sathau i thuh law, na hnipuan ṭha bik i hruk hna law, phuhri ah cun vung kal tuah; sihmanhsehlaw ei le din a dih hlantiang, mipa sinah cun i hngalhter hlah.

1 SAMUEL 15:25

Cucaah atu cu, ka sualnak kha ka ngaithiam law, ka sinah kir tuah, Bawipa kha ka biak nakhnga, tiah kan nawl,” tiah a ti.

1 SAMUEL 15:31

Cucaah Samuel nih Saul cu a kirpi i Saul nih Bawipa kha a biak.