2 SAMUEL 12:16 - Lai (Hakha) Common Language Bible 2006

¹⁶ Cucaah David nih Bawipa kha ngakchia caah cun a nawl; cun David cu rawl a ul i a lut i vawlei ah zan khuadei a ril ko.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Cun Bawipa nih, Uriah nupi nih David a hrinpiakmi fa cu a tuk i a zaw.

2 SAMUEL 12:22

Cun anih nih, “Ngakchia cu a nun lioah khan rawl ka ul i ka ṭap taktak; zeitintiah, ‘Ngakchia cu a nun nakhnga Bawipa nih a hei ka zaangfah ko hnga dah kaw, aho nih dah an hngalh khawh lai?’ ka ti.

2 SAMUEL 13:31

Khi tikah siangpahrang cu a tho i a puan kha a thleh hna i vawlei ah a ril; cun a sinum vialte a pawng i a ummi hna zong nih khan an puan cu an thleh ve.

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

NEHEMIAH 1:4

Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 69:10

Rawl ulhnak in toidornak lungthin ngeih kaa zuam i asinain mi nih an ka nihsawh ṭhiamṭhiam.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

DANIEL 6:18

Siangpahrang cu a inn ah a kal i cu zan cu rawl a ul; nu ahohmanh a sinah ratter a duh hna lo i i hngilh kho loin a um.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

JONAH 3:9

Pathian cu aa ngaihchih ko hnga dahkaw, a thin kha a dam ko hnga dahkaw; cu ti a si ahcun kannih cu thi loin kan um ko hnga,” a ti.

LAMKALTU 9:9

Ni thum chung khua hmu kho loin a um, cu chung vialte cu rawl zong a ei lo, ti zong a ding lo.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.