2 SAMUEL 11:15 - Lai (Hakha) Common Language Bible 2006

¹⁵ A ca chungah cun, “Uriah cu ral hratnak bik hmun hmaisuang bik ah khan na chiah lai i an tuk i a thih naklai hnulei ah nan tawntak te lai,” tiah a ti.

2 SAMUEL 11:15 ပူးပေါင်းရင်းမြစ်များ

2 SAMUEL 11:16

Cun Joab nih khan khua kha a dum lioah ralṭhami an umnak hmun ti i a hngalhmi kha Uriah cu a thiah.

2 SAMUEL 11:17

Cun khua chung mi cu an hung chuak i Joab he cun an i do; cun cu mi hna lakah cun David salle zong tlawmpal an thi. Hit mi Uriah zong a thi ve.

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

SALM 51:14

Maw Pathian, ka khamhtu, ka nunnak hi ka zuah ko sawh law, na dinnak hi lunglawm tein ka thanh lai.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 20:13

Bawipa sinah cun hlasa tuah u, Bawipa cu thangṭhat tuah u! Zeicahtiah misifak mi hna cu an cung i ṭhat lonak a tuahtu hna kut chung khan a luatter cang hna.

1 SAMUEL 18:17

Cun Saul nih David cu, “Hika ah hin ka fanu upa deuh Merab a um ko; nupi caah kan pek lai; keimah caah na ral bel ṭha ko law, Bawipa raldohnak cu do ko hna,” tiah a ti. Zeitintiah Saul nih, “Keimah kut cun thi hlah seh, sihmanhsehlaw Filistin mi hna kut tu in thi deuh seh,” tiah a ruah.

1 SAMUEL 18:21

Saul nih, “Amah cu a caah rap a si nakhnga le Filistin mi hna kut cu amah dotu a si nakhnga, amah cu pe ning,” tiah a ruah. Cucaah Saul nih David cu a voi hnihnak a chimh i, “Atu cu ka tupa na si lai,” tiah a ti.

1 SAMUEL 18:25

Khi tikah Saul nih, “Hi bangin David sinah cun, ‘Siangpahrang nih, siangpahrang ral hna cungah khan phu a hlam nakhnga, Filistin mi hna cuarpar za khat dah ti lo cu man zei hmanh a duh lo,’ tiah nan chim lai,” tiah a ti. Saul nih David cu Filistin mi hna kut in thihter awk kha a ruah.