2 SAMUEL 11:11 - Lai (Hakha) Common Language Bible 2006

¹¹ Cun Uriah nih David cu, “Israel le Judah le kuang cu thlam chungah an um i ka bawipa Joab le ka bawipa i a sal hna cu ramlak ah an riak ko; cu ti a si ko lioah cun maw, va ei va din awk le ka nupi he va um awkah, ka inn ah cun ka vung kal hnga? Nangmah na nun bantuk le na nunnak a nun bantukin, mah cucu ka tuah lai lo,” tiah a ti.

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Cun David kha, “Uriah cu a inn ah a vung kal lo,” tiah an chimh tikah David nih Uriah cu a thawh i, “Khual tlawnnak in na rung tlung a si lo mei, zeicahdah na inn ah na vung kal lo?” tiah a ti.

2 SAMUEL 14:19

Siangpahrang nih a thawh i, “Hi thil kong ah hin na sinah Joab kut aa tel maw?” tiah a ti. Cun minu nih cun a leh i, “Siangpahrang ka bawipa nangmah na nun hrimhrim bantukin, siangpahrang ka bawipa nih a chimmi thil zeihmanh hin aho hmanh kehlei ah siseh, orhlei ah siseh an i mer kho lai lo. A ka fialtu cu na sal Joab kha a si; hi bia vialte na salnu ka kaa chungah a ka khaihtu cu amah kha a si.

2 SAMUEL 20:6

Cun David nih Abishai kha a thawh i, “Bikhri fapa Sheba nih hin Absalom nakkhan harnak tam deuh a kan pek lai; na bawipa ka sinum hna hi i kalpi hna law va dawi, cu ti a si lo ahcun, kulhmi khua hawi hna ah a lut lai i harnak a kan pek sual lai,” tiah a ti.

2 SAMUEL 7:2

siangpahrang nih profet Nathan cu a thawh i, “Zohhmanh, kei cu sidar thing inn chungah ka um i sihmanhsehlaw Pathian kuang cu puan thlam chungah a um ko,” tiah a ti.

2 SAMUEL 7:6

Israel mi kha Izipt ram in ka chuahpi hna ni thawk in nihin tiang, inn chungah ka um rih lo, sihmanhsehlaw ka umnak ca i puan thlam chungin kaa chawk lengmang ko.

NAMBAR 32:6

Sihmanhsehlaw Moses nih Gad fapa hna le Reuben fapa hna sinah cun, “Nan unau hna cu ral an doh lioah nanmah nih hika ah hin nan ṭhu ko lai maw?

JOHAN 13:14

Kei nan Saya le nan Bawipa a simi nih nan ke kan ṭawl hna ahcun nannih zong pakhat le pakhat nan ke nan i ṭawlpiak awk a si.

2TIMOTE 2:12

Kan in khawh peng ahcun, a uk zong amah he kan uk ṭi lai. Kan hlawt ahcun, amah zong nih a kan hlawt ve lai.

1 SAMUEL 1:26

Cun amah nih, “Maw ka bawipa! Na nun bangin, ka bawipa, keimah hi hika na hmai i Bawipa sin i thla a rak cam minu kha ka si.

1 SAMUEL 14:18

Cun Saul nih Ahijah sinah cun, “Hika ah hin Pathian kuang kha rak pu tuah,” tiah a ti. Zeitintiah khi caan ah Pathian kuang cu Israel mi sinah khan a kal ve.

1 SAMUEL 17:55

Saul nih David kha Filistin mipa va doh awk i a chuah kha a hmuh tikah, a ralkapbu haotu Abner sinah khan, “Abner, hi tlangvalpate hi aho fapa dah a si?” tiah a ti. Cun Abner nih, “Na nunnak chalh in ka chim, maw siangpahrang, kan chim kho lo,” tiah a ti.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.