2 SAMUEL 11:1 - Lai (Hakha) Common Language Bible 2006

¹ Ṭhal a hung chuak i siangpahrang hna nih raltuknak hmun i an kal tawn caan ah khan, David nih Joab le a sin i a ummi a sinum vialte hna le Israel mi vialte kha a thlah hna i annih nih Ammon mi kha an hrawh dih hna i Rabbah kha an dum. Sihmanhsehlaw David cu Jerusalem khua ah khan a um ko.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

Cun Ammon mi hna nih Siria mi an zam ti an hmuh tikah annih zong, cu bantukin Abishai hmai khan an zam ve i khua chungah khan an lut. Cun Joab cu Ammon mi he i tuknak khan a kir i Jerusalem ah a tlung.

1 SIANGPAHRANG 20:22

Cu tikah profet kha Israel siangpahrang pawngah khan a ra i amah sinah cun, “Ra tuah, i hrim tuah, cun na tuah hnga ding hi ṭha tein ruat tuah; zeitintiah ṭhal a hung chuah ṭhan tikah Siria siangpahrang nih doh awkah an rathnawh lai,” tiah a ti.

1 SIANGPAHRANG 20:26

Ṭhal ah cun Benhadad nih Siria mi cu a pumh hna i Israel mi doh awkah khan Afek ah an hung kal.

1 CHANRELNAK 20:1

Ṭhal a hung chuak i siangpahrang hna nih raltuknak hmun i an kal tawn caan ah khan, Joab nih ralkapbu kha a kalpi hna i Ammon mi hna ram kha an hrawh i an ra i Rabbah kha an dum. Sihmanhsehlaw David cu Jerusalem ah a um ko. Cun Joab nih Rabbah cu a tuk i a tei.

2 CHANRELNAK 36:10

Cun cu kum ṭhal ah Nebukhadnezzar Siangpahrang nih mi a thlah hna i amah cu Bawipa inn chung i umkheng mansung hna he cun Babilon ah an ratpi i a unau Zedekiah cu Judah le Jerusalem siangpahrang ah a ser.

SALM 60:9

Maw Pathian, aho nih dah ralhau a ngeimi khua chungah a ka luhpi lai? Aho nih dah Edom ah a ka kalpi lai?

PHUNGCHIMTU 3:8

Huat caan a um, dawt caan a um; i doh caan a um, i rem caan a um;

JEREMIAH 49:2

Cucaah zohhmanh, Ammon mi hna khua Rabbah ah khan raltuknak thawng ka thanter lai caan kha a ra lio, tiah Bawipa nih a ti; Ṭiaotakmi hnawmpon ah a cang lai i a khuate hna cu mei in khangh cikcek an si lai i Israel nih a rak pawnchuahtu hna kha a pawnchuah ve hna lai, tiah Bawipa nih a ti.

JEREMIAH 49:3

Maw Heshbon ṭap tuah, zeicahtiah Ai khua cu a rawk dih cang. Rabbath Ammon khua pawngkam i a ummi khuate hna, ai tuah u, Buri i hruk u law, nan ṭang i cum tuah u, nan pum cu nam in i at dih tuah u. Zeicahtiah Milkom cu saltannak chungah a kal lai, A tlangbawi hna le a bawi hna he khan an kal lai.

EZEKIEL 21:20

Cun vainam cu Ammon mi khua Rabbah i a ratnak ding lam kha rinpiak law cuka cun Judah ram ah a rung lai i Jerusalem khua a laifang ah cun a lut lai.

AMOS 1:14

Gilead ram nelrawn i fapawi nu hna cu an hlai dih hna Cucaah Rabbah kulhnak vampang cungah cun mei ka thlah lai i Cu mei nih cun an ralhruang vialte kha a kangh dih hna lai; Cu ni ah cun raltuknak hmun khan aunak a um lai i Thlichia le ṭotho an hrang lai.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

DEUTERONOMI 3:11

(Refaim mi a taangmi hna chungin Bashan siangpahrang Og lawnglawng kha a taang; zohhmanh, a ihkhun cu thir ihkhun a si; Ammon mi hna khua Rabbah ah a um, a si lo mei? Minung dong in, a sau dong kua, a vang dong li a si.)

1 SAMUEL 18:30

Cun Filistin bawi hna kha raltuknak ah an ra chuak tawn i an ra chuah fate David cu Saul sinum vialte hna nakkhan a hlawhtling deuh; cucaah a min cu an thangṭhat ngaingai ko.