2 SAMUEL 10:6 - Lai (Hakha) Common Language Bible 2006

⁶ Ammon mi hna nih annih cu David huat kan phor cang ti kha an theih tikah, Ammon mi hna nih cun mi an hei thlah hna i Beth-rehob i Siria mi hna le Zobah i Siria mi hna, ke ralkap sang hnih le Maakah ram siangpahrang le a mi thong khat, cun Tobram mi sang khat le thong hnih kha an i ruaih hna.

2 SAMUEL 10:6 ပူးပေါင်းရင်းမြစ်များ

GENESIS 34:30

Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.

2 SAMUEL 10:5

Mah cucu David kha an chimh tikah anmah don awkah mi a hei thlah hna; zeitintiah an ning a zak ngaingai ko. Cun siangpahrang nih cun, “Nan khahmul a corh ṭhan hlan tiang Jeriko khua ah cam ko u, cun nan ra kir ṭhan te lai,” tiah a ti hna.

2 SAMUEL 10:7

Mah cucu David nih a theih tikah Joab le a ṭhawngmi ralkapbu vialte kha a thlah hna.

2 SAMUEL 16:21

Ahithophel nih Absalom cu, “Innhngaktu ah a chiahmi na pa nupichun kha va luhhnawh hna; cun Israel mi vialte nih na pa caah rim chia ah naa ser cang ti kha an theih lai i nangmah sinah a ṭangmi vialte hna kut cu a ṭhawng lai,” tiah a ti.

2 SAMUEL 23:34

Maakah mi Ahasbai fapa Elifelet, Gilon mi Ahithophel fapa Eliam,

2 SAMUEL 8:12

a teimi miphun hna cu Edom, Moab, Ammon mi, Filistin mi, Amalek mi le Zobah siangpahrang Rehob fapa Hadadezer kha an si.

2 SAMUEL 8:3

Cun David nih Zufrates tiva kha uk ṭhan awk i a kalpah ah Zobah siangpahrang Rehob fapa Hadadezer zong kha a tei.

2 SAMUEL 8:5

Cun Damaskas khuami Siria mi nih khan Zobah siangpahrang Hadadezer kha bawmh awkah an rat tikah, David nih khan Siria mi cu sang hnih le thong hnih a rak thah hna.

1 SIANGPAHRANG 11:24

David nih Zobah khuami kha a thah hna hnuah, amah nih cun mi kha a sinah a pumh hna i mi ramhtu bu lu ah aa ser i Damaskas ah an kal i khika ah an um i siangpahrang ah an ser.

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

SALM 48:4

Siangpahrang kha an i pum i Zion Tlang tuk awkah an ra.

EXODUS 5:21

Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.

PHUNGTHLÛKBIA 25:8

Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

JEREMIAH 40:8

a sinah Mizpah ah cun an ra. Nethaniah fapa Ishmael kha a ra, cun Kareah fapa Johanan le Jonathan kha an si, cun Tanhumeth fapa Seraiah, cun Netofah mi Efai fapa hna, cun Beth-maakah mi Jazaniah le a mi hna kha an si.

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

DEUTERONOMI 3:14

Manasseh phunmi Jair nih Argob ram vialte cu a lak dih, mah cucu Bashan kha a si, Geshur mi hna le Maakath mi hna ramri tiang khan; cun khuate hna cu amah min a sak hna i tu chan tiangin Havvoth-jair tiah ti a si.)

BIACEIHTU 11:3

Khi tikah Jepthah cu a unau hna sinin a zam i Tobram ah a um; cun santlailo pawl kha Jepthah sinah cun an i pumkhawm i amah he cun ral an hranh tawn.

BIACEIHTU 11:5

Cun Ammon mi hna nih Israel mi kha an doh tik hna ah, Gilead upa hna cu Jepthah kha Tobram in va lak awkah an kal;

BIACEIHTU 18:28

Sidon in a hlat ca le midang he i tlatkainak an ngeih lo caah, chanhtu ahohmanh an um lo. Cu khua cu Bethrehob ta a simi nelrawn chungah khan a um. Cun annih nih khua kha an sak ṭhan i a chungah an um.

1 SAMUEL 13:4

Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.

1 SAMUEL 27:12

Cun Akhish nih David cu a zumh i, “A mi Israel mi kha aa huatter cikcek cang hna caah ka sal a si zungzal lai,” tiin a ruah.