2 SAMUEL 1:20 - Lai (Hakha) Common Language Bible 2006

²⁰ Gath khua ah va thanh hlah u, Askelon khuachung lam zongah va chim hlah u, Filistin fanu hna kha an i lawm sual hnga i Cuarpartan lomi fanu hna kha an di a riam sual hnga.

2 SAMUEL 1:20 ပူးပေါင်းရင်းမြစ်များ

EZEKIEL 16:27

“Nangmah cu ka kut kan samhhnawh i na rawl kha kan ṭhumh. Cun nangmah aan huatu, Filistin minu hna, na zuanzamnak nih a nor cikcekmi hna sinah khan kan chanh

EZEKIEL 16:57

na ṭhat lonak a langh hlanah khan cun? Sihmanhsehlaw atu cu amah bantukin Edom fanu hna le an pawngkam i a ummi vialte hna ca le, na velchum i a ummi Filistin mi fanu hna, nangmah an serhsattu hna caah khan, nihsawh awkah na cang cang.

MIKAH 1:10

Diriam tein nan mit phing lak in Gath ah nan ṭap lai lo maw? Beth-leafrah khua ah leidip kha i phulh tuah u.

BIACEIHTU 11:34

Cun Jepthah cu Mizpah i a inn ah a tlung i zohhmanh, a fanu nih amah kha don awkah khuang tete le laam he a hung chuak; amah lawnglawng cu fa a ngei; amah hlei ah fapa siseh fanu siseh a ngei ti hna lo.

BIACEIHTU 14:19

Cun Bawipa thlarau cu ṭhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir ṭhan.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 18:6

Inn lei i an tlun lio, David nih Filistin mipa a thahnak in a kir tikah khan, Israel khua vialte in nu hna kha, hlasak pah le lampah in Siangpahrang Saul kha, khuang tete le lawmhnak hla le aw dawh tumnak hna he rak don awkah an chuak.

1 SAMUEL 31:4

Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.

1 SAMUEL 6:17

Mah hihi an bonak he aa lo in sui in sermi, Filistin mi hna nih Bawipa sin i phungbuar thawinak caah an kuatmi cu an si: Ashdod caah pakhat, Gaza caah pakhat, Ashkelon caah pakhat, Gath caah pakhat, Ekron caah pakhat;