2 PETER 3:4 - Lai (Hakha) Common Language Bible 2006

⁴ “ ‘Ka ra ṭhan lai,’ tiah bia aa kam a si lo mei? Atu khuazei ah dah a um kun? Kan pupa hna cu an thi diam cang, sihmanhsehlaw thil cu vawlei ser ri in a si bantukin pei a si peng ko hi,” an ti lai.

Laibaibal Thiang (BSI)

⁴ “A ratṭhannâk ding biakam cu khuazeiahdah a um kun? Serhramthawk le pupa hna an i hngilh ri thawk in, zeizong vialte amah ning a si ko rih hi ta,” an ti lai.

2 PETER 3:4 ပူးပေါင်းရင်းမြစ်များ

GENESIS 19:14

Cun Lot cu a va chuak i a fanule a ṭhitu hna ding pawl kha, “Khulrang in hika hmun hi chuahtak u, hi hmun hi Bawipa nih a hrawh lai,” a ti hna. Sihmanhsehlaw aa capo tiah an ruah.

PHUNGCHIMTU 1:9

A rak si cangmi kha a si ṭhan ko lai, tuah lengmangmi hi tuah lai dingmi cu a si fawn ko lai; vawlei cungah hin zeihmanh a thar a um lo.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

JEREMIAH 17:15

Mi nih an ka thawh i, “Bawipa nih a kan hronak bia cu khuazei ah dah an si? An rat khawh ahcun atu ah ra hna ngat seh!” an ti.

EZEKIEL 11:3

an i thawh i, ‘Caan sau nawn chung cu inn sak a um lai lo; khuapi hi sa chuannak um a si i kannih hi a chung sa cu kan si,’ an ti.

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

MATTHAI 24:28

“Saruak umnak hmun ah langta an i pum tawn.”

MATTHAI 24:48

Sihmanhsehlaw cu pa cu miṭhalo a si ahcun, ‘Ka bawipa cu a ra chom rih lai lo,’ tiah a lung chungin a ti lai i

MARKA 10:6

Sihmanhsehlaw a hramthawk, thil ser lio caan ah khan cun, cathiang nih, ‘Pathian nih nu le pa in a ser hna i

MARKA 13:19

Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

LUKA 12:45

Sihmanhsehlaw ‘Ka bawipa cu saupi a rau ko rih lai,’ a ti i sal dang pawl kha nu he pa he a tu a vel, a ei a ding i, rihai in a ummi sal cu,

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

1THESALON 2:19

A ngaingai ti ahcun, midang ahohmanh si loin, nanmah hrimhrim hi, kan Bawipa Jesuh a rat tik i a hmaika i kan dir tikah kan ca i ruahchannak le lawmhnak le thangṭhatnak cu nan si lai.

2 PETER 3:12

Pathian Ni nan hngah lioah hin cu bantuk cu nan si awk a si i cu Ni cu tuan deuh ah a phak khawh nakhnga fak piin nan i zuam awk a si. Cu Ni ah cun van vialte cu an kang dih lai i nika thlapa le arfi vialte hna cu, cu Ni linhnak thawng cun an ti dih lai.

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.