2 PETER 3:16 - Lai (Hakha) Common Language Bible 2006

¹⁶ Hi kong a ṭial tik paoh ah hin a cakuat dihlak chungah a chimmi cu hihi a si ko. Asinain a cakuat chungah khan hngalh awk a harmi thil an um i cu thil hna cu a hrutmi le lungthin reprai a ngei set lomi pawl nih cun, Cathiang chung biadang zong an rak tuah tawn bantuk khan, a si lo ning in a sullam kha an chuahter. Cucaah anmah rawhralnak kha anmah lila nih an tlunter.

Laibaibal Thiang (BSI)

¹⁶ a cakuat dang vialte zongah cubia cu a chim tawn. Cuhna lakah theih a har deuhmi zong an um i cawnnâk a ngei lomi le lungfek lomi hna nih Cathiang dang anmerh bantukin an merh i anmah loh tlaunâk ah an hman tawn.

2 PETER 3:16 ပူးပေါင်းရင်းမြစ်များ

GENESIS 49:4

Asinain nangmah cu tilian bantukin a fek lomi na si caah biapi bik na si lai lo, na pa ihkhun cungah na kai i ka ihkhun kha na thurter.

1 SIANGPAHRANG 10:1

Sheba siangpahrangnu nih Bawipa min kong i Solomon minthannak kha a theih tikah, amah cu a harmi biahalnak in hneksak awkah a ra.

SALM 56:5

Ka ral nih cun ka tuahmi thil kip ah harnak an ka pek, zeitindah a cungah fahnak kan tlunter khawh lai ti kha an ruat zungzal.

EXODUS 23:2

Ṭhat lonak tuah ah an tam deuh ai pat tiin a tam deuh leiah khan va ṭang hlah, cun biaceihnak ah a tam deuh lawmhnak a si paoh ahcun tiin dinnak a khamtu tehte va si hlah.

EXODUS 23:6

“Nan lak i misifak pakhatkhat kha taza cuai a si ahcun, a bia kha ding tein ceihpiak ko u.

JEREMIAH 23:36

‘Bawipa bia cu thilrit a si,’ ti cu nan chim hrimhrim lai lo, zeicahtiah cu bantukin a chimmi cu a caah thilrit a si taktak lai; nan chim a si ahcun, Ralkapbu Bawipa, Pathian nung, kan Pathian a bia kha pakpalawng ah nan canter hna lai.

HABAKKUK 1:4

Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

MATTHAI 15:3

Jesuh nih cun a thawh ve hna i, “A si ahcun zeicahdah nannih zong nih Pathian nawlbia kha nan buar ve i nanmah cawnpiaknak lawng kha nan zulh kun?

MATTHAI 15:6

a nu siseh, a pa siseh, a bawmh hna a herh ti lo, nan ti. Hihi Pathian bia zei i nan rel lo ning le nanmah cawnpiakning lawng zulh nan duhning cu a si.

MATTHAI 22:29

Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

HEBRU 5:11

Melkhizedek kongah hin chim awk tampi kan ngei ko, sihmanhsehlaw a hngalh nan i harh tuk caah nan sin i fianter cu a har ko.

1 PETER 1:1

Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa ṭhekmi, Pathian thimmi hna, nan sinah ca kan kuat hna.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

2 PETER 2:14

Nu hor pawl zoh dah ti lo kha cu zoh an duhmi zeihmanh a um lo; an sual duhnak kha a riam kho bal lo. Thazang a dermi kha rap ah an foihter hna. An lungthin kha hakkauhnak in a khat. Annih cu Pathian nih chiat a serhmi hna an si.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.