2 PETER 3:14 - Lai (Hakha) Common Language Bible 2006

¹⁴ Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

Laibaibal Thiang (BSI)

¹⁴ Cucaah dawtmi hna, cubantuk ruahchannâk cu nan ngeih caah, thûrhnawm lo le sawiawk um loin hngangam te i nan um lio an hmuh khawh hna nâkhnga, teihmâk chuah u.

2 PETER 3:14 ပူးပေါင်းရင်းမြစ်များ

MATTHAI 24:26

“Cun mi nih, ‘Ramlak ah a um,’ an in ti hna ahcun va kal hlah u; ‘Hika ah aa thup ko,’ an in ti hna zongah vaa lun hlah u.

MATTHAI 25:7

Ngaknu pahra cu an hun i hlau i an meiinn cu an hun timhtuah hna.

LUKA 12:43

A bawipa cu inn i a hung tlun tikah cu ti i a rak tuah a hmuhmi a sal caah cun zeitluk in dah lunglawmh awk a si.

LUKA 2:29

“Nihin ah hin, maw Bawipa, nangmah nih na salpa cu dai tein ka rian na ka limter cang, Atu cu nangmah na biakamnak kha a tling cang.

1 KORIN 1:8

Amah nih cun a dongh tiangin fek tein an umter hna lai i kan Bawipa Jesuh Khrih Ni ah cun ahohmanh nih sual an in phaw kho hna lai lo.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin

FILIPI 3:20

Sihmanhsehlaw kannih cu vancung ram mi kan si i kan Khamhtu Bawipa Jesuh Khrih vancung in a rat lai kha ngangngan ngaiin kan hngak ko.

1THESALON 3:13

Cuticun nan lung kha in ṭhawnter hna seh law kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

1TIMOTE 6:14

Kan Bawipa Khrih Jesuh Ni a chuah hlantiang a nawlbia cu thiangte le palhnak zeihmanh um loin zulh i zuam.

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

2 PETER 3:1

Ka dawtmi ka hawile hna, atu i ca kan kuatmi hna hi a pahnihnak a si. Ka ca chungah, an pahnih tein, tuah kaa zuammi cu, nan lung chung i ruahnak thiang ṭhanghter kha a si i cucaah cun hi thil hi kan chimh ṭhan lengmang hna.

2 PETER 3:16

Hi kong a ṭial tik paoh ah hin a cakuat dihlak chungah a chimmi cu hihi a si ko. Asinain a cakuat chungah khan hngalh awk a harmi thil an um i cu thil hna cu a hrutmi le lungthin reprai a ngei set lomi pawl nih cun, Cathiang chung biadang zong an rak tuah tawn bantuk khan, a si lo ning in a sullam kha an chuahter. Cucaah anmah rawhralnak kha anmah lila nih an tlunter.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.