2 PETER 2:7 - Lai (Hakha) Common Language Bible 2006

⁷ Nawlbia zeihmanh i a rel lomi hna nih awlok an chonhmi, mi ṭha Lot kha a khamh.

Laibaibal Thiang (BSI)

⁷ Lot miding, a thûrhnawm tukmi misual hna nunning ruangah a ngaih a chiami kha a khamh.

2 PETER 2:7 ပူးပေါင်းရင်းမြစ်များ

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

GENESIS 19:16

Asinain Lot cu aa nuainai i sihmanhsehlaw Bawipa nih khan a cungah zaangfahnak kha a ngeih caah, mi nih khan amah cu le a nupi le a fanu pahnih hna cu an kut in an hnuh hna i khua lengah an chuahpi hna i cuka ah cun an kaltak hna.

GENESIS 19:22

I hnawh! A tlik in tli! Khika na phak hlanah cun zeihmanh ka tuah kho lo,” a ti. Lot nih khan cu khua cu khua hmete a ti caah a min ah Zoar sak a si.

GENESIS 19:29

Asinain Pathian nih nelrawn chung ummi khua kha a hrawh hna tikah Abraham kha a philh lo i Lot kha himnak hmun ah a zamter.

GENESIS 19:5

Lot cu an vun auh i, “Na inn i a riakmi pahnih hna kha khuazei ah dah an si? Hun chuahter hna law kan rak ihpi hna lai,” an ti.

SALM 120:5

Nannih lak um cu Meshek khua um tluk in a har, Kedar mi hna lak um tluk a si.

JEREMIAH 23:9

Profet hna kong ah Jeremiah nih hitin a ti: Ka chung thukpi ah hin ka lung cu a kuai i Ka ruh hna chungah hin thazang zeihmanh a um lo; Bawipa bia ruangah, ṭih a nungmi a bia ruangah zuri bantuk ka si cang, zu nih a teimi bantuk ka si cang.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

2 PETER 2:2

An ziaza ṭhalo kha mi tampi nih an i cawn lai i cu hna ruangah cun biatak Lam kha thangchiatnak a hmu lai.

2 PETER 3:17

Sihmanhsehlaw ka hawile hna, nannih nih cun hihi cu nan hngalh cang. Cucaah cun nawlbia zeihmanh ah a rel lomi pawl an palhnak nih khan a pingah an hruai sual hna nakhnga lo le him tein nan umnak hmun ah khan nan um i nan tlak sual nakhnga lo, ralring tein um ko u.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.