2 PETER 2:20 - Lai (Hakha) Common Language Bible 2006

²⁰ Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih ṭhan hna i a tei ṭhan ahcun, a hramthawk i an rak umning nakkhan an donghnak cu a chia deuh.

Laibaibal Thiang (BSI)

²⁰ Zeitintiah Bawipa le khamhtu Jesuh Krih an hngalhnâk thawngin vawlei thûrhnawmhnâk hna an chuahtâk hnu ah, cuka ah an tân ṭhân i teiin an um ṭhân ahcun a hmadung deuh an nun cu a hmasanâk in a chiakha deuh.

2 PETER 2:20 ပူးပေါင်းရင်းမြစ်များ

EZEKIEL 33:13

Miding mi cu na nunnak khamh a si lai, ka ti tikah ka din ruangah a si, tiin aa ruah sual ko hnga i palhnak kha a tuah ko hnga, cu tikah cun dinnak a rak tuahmi vialte kha pakhat hmanh hngalhpiak a si lai lo; ṭhat lonak a tuahmi ruangah cun a thi ko lai.

LEVITIKAS 13:20

cun tlangbawi nih a zoh lai i cuar nakin thuk deuh a lawh i a hmul kha a ran ahcun, tlangbawi nih amah cu thianglo a si tiah a thanh lai; mah cucu thinghmui zawtnak a si, hma chungin a hung langmi a si.

LEVITIKAS 13:55

cun tlangbawi nih zawtnak a umnak thil kha an suk hnuah a zoh lai. Cun zawtnak a umnak hmun kha a mui aa dan hlei lo ahcun, zawtnak kha a lawn lo nain, mah cucu thianglo a si; mei ah nan khangh lai, thinghmui zawtnak a umnak cu a hmailei i a si zongah, a hnulei i a si zongah nan khangh lai.

LEVITIKAS 14:43

“Lung cu an lak hna i inn cu an ziah i an benh hnuah zawtnak cu inn chungah cun a chuah ṭhan ahcun,

NAMBAR 24:20

Cun Amalek lei cu a hei zoh i a konglam chim cu a thawk i, “Amalek cu miphun hna lakah pakhatnak a si, Sihmanhsehlaw a donghnak ah cun rawknak a phan lai,” tiah a ti.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

2TIMOTE 2:4

Ralkap a ṭuan liomi nih cun a cung bawi lungton kha a duh caah ralkap a si lomi hna rian ah khan aa sawhkalh len lo.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

2 PETER 1:11

Cuticun kan Bawipa le kan Khamhtu Jesuh Khrih Pennak, zungzal in a hmunmi chungah khan luhnak nawl nan hmu lai.

2 PETER 1:2

Pathian nan hngalhnak thawng le kan Bawipa Jesuh nan hngalhnak thawngin vel le daihnak cu tlamtling tein nan ta si ko hna seh.

2 PETER 1:3

Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

2 PETER 1:4

Cuticun a ngan ngaingaimi le a sung ngaingaimi laksawng a kan kamhmi cu a kan pek i cu laksawng a kan pekmi thawng cun a kan hrawkhral khotu vawlei pumsa duhnak chung hin nan luat kho lai i Pathian sining cu nan i hrawm kho lai.

2 PETER 1:8

Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan ṭhawnnak an pek hna lai i rian tampi an ṭuanter khawh hna lai.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.