2 PETER 2:2 - Lai (Hakha) Common Language Bible 2006

² An ziaza ṭhalo kha mi tampi nih an i cawn lai i cu hna ruangah cun biatak Lam kha thangchiatnak a hmu lai.

Laibaibal Thiang (BSI)

² Cun mi tampi nih cubantuk rawhralnâk lam cu an zulh ve lai i anmah ruangah biatak lam kha thangchiat in a um lai.

2 PETER 2:2 ပူးပေါင်းရင်းမြစ်များ

GENESIS 19:5

Lot cu an vun auh i, “Na inn i a riakmi pahnih hna kha khuazei ah dah an si? Hun chuahter hna law kan rak ihpi hna lai,” an ti.

SALM 18:21

Bawipa nawlbia cu ka zulh; ka Pathian cu ka doh lo,

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 7:14

Nunnak a phanmi lam cu a har i a kutka cu a bi i a hmumi cu tlawmte lawng an si.

MARKA 12:14

A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

LAMKALTU 14:2

Sihmanhsehlaw a zum duh lomi Judah mi hna nih khan Jentail mi kha an forh hna i unau pawl kha an huatter hna.

LAMKALTU 16:17

Amah nih cun Paul le kannih kha a kan zulh i, “Hi hna hi Cung Nung Bik Pathian sal an si i anmah nih hin zeitindah khamh nan si khawh lainak kha an in thanh hna,” tiah a au.

LAMKALTU 18:26

Pumhnak inn ah khan ralṭha ngaiin a cawnpiak hna. Cun amah cu Prisilla le Akuila nih khan an theih tikah an inn ah an kalpi i Pathian Lam kong kha hmaan deuh chin in an cawnpiak.

LAMKALTU 19:9

Sihmanhsehlaw annih lak i a cheukhat cu an lung a khong i an zum duh lo; Bawipa Lam kong kha zapi hmaiah a ṭhalo tiah an ti. Cucaah Paul nih khan a chuahtak hna i zultu pawl kha aa kalpi hna; ni fate in Tirannas biachimnak inn timi ah khan mi kha a cawnpiak hna.

LAMKALTU 22:4

Hi Lam a zulmi hna hi ka rak hrem hna i ka rak thah hna. Nu he pa he ka rak tlaih hna i thong ah ka rak thlak hna.

LAMKALTU 24:14

Hi bel hi ka tuah tiah nangmah hmaiah ka ti khawh: Kei cu Lam thar a zulmi ka si (annih nih cun bu thar tiah an ti) i cu ti ning cun kan pupa hna Pathian cu ka biak; zeicahtiah Moses Phungbia chung i aa ṭialmi vialte le profet hna cauk chung i aa ṭialmi vialte kha ka zumh i Pathian i bochan in

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

TITAS 2:5

mah le mah aa uk khomi an si nakhnga le a thiangmi an si nakhnga le innchungkhar khuasak ṭha tein a zohkhenh khomi an si nakhnga le an vale bia a ngaimi an si nakhnga, thil ṭha nan cawnpiak hna lai, tiah nutar deuh pawl cu na chimh hna lai. Cuti an tuah ahcun Thawngṭha cu mi nih an thangchiat kho lai lo.

TITAS 2:8

Soi khawh lo ding bia ṭha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;

2 PETER 2:15

Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

2 PETER 2:21

Dinnak lam kha hngalh ṭung i nawlbia thiang kha mertak ṭhan nakcha cun, dinnak lam kha hngal lo lawlaw in rak um ah an caah a ṭha deuh suaumau hnga.

2 PETER 2:7

Nawlbia zeihmanh i a rel lomi hna nih awlok an chonhmi, mi ṭha Lot kha a khamh.

JUDAS 1:10

Sihmanhsehlaw hi mi hna nih hin cun an hngalh lomi thil paoh kha zeirello in an um; cun saram bantukin chuahpimi pumsa duhnak in an hngalhmi kha anmah a hrawktu hna thil cu an si.

JUDAS 1:15

“Zohhmanh, mi vialte kha an bia ceih awk le Pathian zei i a rel lomi misual vialte kha Pathian zeirello in an um ruang i an tuahmi sualnak vialte le Pathian kha zeirello in an thangchiatnak vialte ruang i sualphawt awkah, Bawipa cu a vancungmi mithiang rel cawk lo hna he an ra lai,” a ti.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.