2 PETER 2:15 - Lai (Hakha) Common Language Bible 2006

¹⁵ Lam ding kha an pialtak i an tlau cang; Beor fapa Balaam lam kha an zul, Balaam cu ṭhat lonak tuahnak ca i phalhmi tangka a duhmi kha a si i

Laibaibal Thiang (BSI)

¹⁵ Lamdik cu hnu lei chit in, dinlonâk hlawh zong a duhtu Beor fapa Balaam lam kha zul in an tlau cang;

2 PETER 2:15 ပူးပေါင်းရင်းမြစ်များ

1 SIANGPAHRANG 18:18

Cun anih nih a leh i, “Keimah nih Israel mi cu harnak ka pe hna lo, nangmah le na pa hrin nih pei nan pek hna tiah, zeicahtiah nannih nih Bawipa nawlbia kha nan hlawt hna i Baal kha nan zulh hna.

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

NEHEMIAH 13:2

zeicahtiah annih nih Israel mi kha changreu le ti he rak dong loin chiatserh awkah Baalam kha an rak i roih lehlam — asinain, kan Pathian nih chiatserhnak cu thluachuahnak ah a canter.

PHUNGTHLÛKBIA 28:4

Phung a zul lomi nih cun miṭhalo kha an thangṭhat hna, sihmanhsehlaw phung kha a zulmi nih cun an doh hna.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

HOSEA 14:8

Israel mi nih siasal cu zei ah dah an i tuah ti hna lai? Ka chim cang i ka fehter cang. Cucu hihi a si: Nanmah dornak an petu hna farkung cu keimah ka si; Thluachuahnak nan hmuhmi vialte a hram cu keimah ka si.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

NAMBAR 22:23

Cun laa nih cun Bawipa vancungmi cu lamkalai ah vainam phawi cia i put in a dir ko kha a hmuh i, laa cu lam in a pial i lo chungah a kal; cun Balaam nih laa cu lam lei i mer ṭhan awkah a tuk.

NAMBAR 22:28

Cu tikah Bawipa nih laa cu a holhter i Balaam sinah cun, “Na cungah zeidah ka tuah i voi thum tiang na ka tuk?” tiah a ti.

NAMBAR 22:32

Cun Bawipa vancungmi nih amah sinah cun, “Zeicaahdah hi voi thum tiang na laa kha na tuk? Zohhmanh, na tuahnak cu ka hmaiah a ṭha lomi a si caah nangmah kha donh awkah ka ra chuak.

NAMBAR 31:16

Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.

MATTHAI 26:9

Hi zihmui hi tangka tampi ah zuar i tangka cu misifak hna kha pek khawh ding a si ṭung,” an ti.

LAMKALTU 1:18

(Judas nih khan thil ṭhalo a tuahmi man ah tangka a hmuhmi khan lo pakhat a cawk i cuka ah cun thi lakin a tlu i a kek dih i a chungril vialte a chuak dih.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

2 PETER 2:13

fahnak an tluntermi caah khan fahnak in lehrulh an si lai. Annih nih nuamhnak an timi cu chun ceupi i pumsa duhnak zeipaoh tuah kha a si ko; hlennak ah an hmanmi lam kha an zulh peng ko caah nan sin i rawl an ei tik zongah ningzahnak le hmaichiatnak chuahpitu an si.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.