2 PETER 2:10 - Lai (Hakha) Common Language Bible 2006

¹⁰ Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ṭha i an i porhlaw; cunglei van i a ummi hna kha zei ah an rel hna lo; an serhsat lehlam hna.

Laibaibal Thiang (BSI)

¹⁰ Cun taksa duhnâk lawng a zul i a thûrhnawmmi hornâk ah a lut i nawlngeitu hna zei i a rel lomi hna cu, fahnâk pêk buin zuah a thiam chin chin. Annih cu poitinâk ngeilo le lungkhongmi an si. Vanlei mi hna chimchiat hmanh an ṭih lo.

2 PETER 2:10 ပူးပေါင်းရင်းမြစ်များ

GENESIS 49:6

An biathli ah khan kaa tel duh lai lo, an i pumhnak ah khan ka um duh lai lo, zeicahtiah an thin a hun tikah mi kha an thah hna i siamsaknak men ah cawtum kha an tha an pheh hna.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

1 SIANGPAHRANG 12:16

Cun Israel mi vialte nih, siangpahrang nih kan bia a ngai lo ti kha an hmuh tikah, mi zapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam ah kal dih u! David, nangmahte nih na inn chungkhar cu i zohkhenh ko,” an ti. Cucaah Israel mi cu an thlam cio ah an tlung.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

PHUNGCHIMTU 10:20

Siangpahrang cu a thlite hmanh in congoih hlah, Mirum cu nan ihnak khan chung hmanh ah congoih hlah, Zeicahtiah thli lak i a zuangmi va nih na aw cu an kalpi lai i na chimmi cu an va chimh sual ko hna lai.

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

NAMBAR 15:30

Sihmanhsehlaw ahohmanh nih, Israel mi taktak a si ah siseh, mipem a si ah siseh, lungpuam in sualnak a tuah ahcun, Bawipa kha a thangchiat a si, cu pa cu a mi hna lakin hlonh a si lai.

LUKA 11:25

Cucaah a va kir i inn cu thiangte le tlahirhiar tein a rak um ko kha a va hmuh.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

LAMKALTU 23:5

Paul nih a leh hna i, “Ka u le ka nau hna, amah cu Tlangbawi Ngan a si kha ka hngalh lo caah a si. Cathiang chungah, ‘Na mi a uktu hna cu na thangchiat lai lo,’ ti bia a um,” tiah a ti.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

2 KORIN 10:3

Vawleicung ah cun kan um taktak, sihmanhsehlaw vawlei cung thil tinhmi ngei in ral kan do lo.

EFESA 4:19

Ningzah zeihmanh an hngal lo i sualnak kha an tuah lengmang, cun i sum loin aa dawhcah lomi thil phun zakip kha an tuah.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

2TIMOTE 3:2

Mi cu anmah zawn lawng aa ruatmi, a hak a kaumi, aa porhlawmi le lung a puammi an si lai; an nu le an pa kha an zawmhtaih hna lai i an nawl an ngai duh hna lai lo; lawmh a hngal lomi le biaknak zeihmanh i a rel lomi an si lai;

TITAS 1:7

Khrihfabu hruaitu cu Pathian rian ṭuantu a si caah mawhchiat awk a um lomi a si lai. Miruamkai a si lai lo, mithintawi a si lai lo, zurit hmang a si lai lo, mi-aukhuan hmang a si lai lo, mihakkau a si lai lo.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

JUDAS 1:10

Sihmanhsehlaw hi mi hna nih hin cun an hngalh lomi thil paoh kha zeirello in an um; cun saram bantukin chuahpimi pumsa duhnak in an hngalhmi kha anmah a hrawktu hna thil cu an si.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.