2 PETER 1:6 - Lai (Hakha) Common Language Bible 2006

⁶ nan hngalhnak ah khan mah le mah i uk khawhnak i chap u; mah le mah i uk khawhnak ah khan in khawhnak i chap u; in khawhnak ah khan Pathian ṭihzahnak i chap u;

Laibaibal Thiang (BSI)

⁶ hngalhnâk ah khan i sûmnâk telhchih u law, i sûmnâk ah khan inkhawhnâk telhchih u, inkhawhnâk ah khan Pathian ṭihnâk telhchih u law,

2 PETER 1:6 ပူးပေါင်းရင်းမြစ်များ

GENESIS 5:24

Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo.

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

ISAIAH 57:1

Miṭha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmun ah an kal a si.

LUKA 21:19

Fek tein dir ko u, zeicahtiah hitihin pei nan nunnak cu nan khamh lai cu,” tiah a ti.

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 8:25

Sihmanhsehlaw kan mit in kan hmuh lomi kha kan i ruahchan ahcun, cucu lungsau in kan hngah a langhnak a si.

1 KORIN 9:25

Zuamnak ah tel a duh vemi nih cun timhtuahnak ah khan fel tein an um tawn. Cuti i an um cu a uai khomi pangpar lukhimh hmuh awk caah khan a si; asinain kannih tu cu zeitikhmanh i a uai lomi pangpar lukhimh hmuh awk caah khan a si.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

GALATI 5:23

toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

2 THESALON 1:4

Cucaah Pathian Khrihfabu hna sinah nanmah kong cu kan i porhlaw i hremnak le temhnak nan inmi vialte chungah fel tein nan um i nan zumhnak a dorh lo caah kan in thangṭhat hna.

2 THESALON 3:5

Pathian dawtnak lei le Khrih nih an pekmi hna intuar khawhnak leiah khan Bawipa nih nan lung cu hruai ko seh.

1TIMOTE 2:10

Biaknak a ṭanhmi nu nih an tuah tawn bantukin ziaza ṭha tu in i thuam hna seh.

1TIMOTE 2:2

daite le remte le Pathian ṭihzah le ziaza ṭha in kan nun khawh nakhnga, thlacam u sih.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

1TIMOTE 6:6

Biaknak nih hin rumnak a chuahpi taktak, sihmanhsehlaw cu rumnak a ngeimi cu mah tinvo i a lung hna a ngammi kha an si.

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

TITAS 1:8

Khualtlung a dawmi a si lai i thil ṭha a duhmi a si lai. Amah le amah aa uk khomi, a dingmi, a thiangmi le aa sum khomi a si lai.

TITAS 2:2

Tar deuh pawl kha, rihai hlah u, lungfim in um u, mah le mah aa uk khomi si u; zumhnak le dawtnak le in khawhnak fek a ngeimi si u, tiah na chimh hna lai.

HEBRU 10:36

Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

HEBRU 6:12

Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

HEBRU 6:15

Abraham cu a lung a sau i cucaah Pathian nih bia a kamhmi kha a hmuh khawh.

2 PETER 1:3

Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

2 PETER 3:11

Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.

BIAPHUAN 2:2

Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.