2 PETER 1:3 - Lai (Hakha) Common Language Bible 2006

³ Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

Laibaibal Thiang (BSI)

³ A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk,

2 PETER 1:3 ပူးပေါင်းရင်းမြစ်များ

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

PHUNGTHLÛKBIA 12:4

Nupi ṭha cu a va caah bawi luchin a si, sihmanhsehlaw ningzahnak a tluntertu nupi cu ruh chung i khensar zawtnak bantuk a si.

PHUNGTHLÛKBIA 31:10

Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran!

PHUNGTHLÛKBIA 31:29

“Nupi ṭha tampi an um, sihmanhsehlaw nangmah nih na lonh dih hna,” a ti.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

ROM 9:24

Cucu Hosea cauk chung i rak chimmi kha a si. Zeitindah a ti tiah: “Ka mi a rak si lomi kha, ‘Ka mi,’ ka ti hna lai. Ka rak dawt lomi miphun kha, ‘Ka dawtmi,’ ka ti hna lai.

1 KORIN 1:9

A Fapa Jesuh Khrih kan Bawipa he hawikomhnak ngeih awkah an kotu hna Pathian cu zumhawktlak a si ko.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

EFESA 4:1

Cucaah Bawipa rian ṭuan ruang i thong i a tlami keimah nih, Pathian nih an auhnak hna he aa tlakmi nunning khan nung u tiah kan forh hna.

EFESA 4:4

Pathian nih an kawh hna tikah ruahchannak pakhat a um a ti bantukte khan pum cu pakhat lawng a um i Thlarau pakhat lawng a um.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

KOLOSE 1:16

Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le ṭhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

2 THESALON 2:14

Pathian nih an kawhnak hna cu kan in chimhmi hna Thawngṭha kha hmang in a si; cun an kawh hna cu kan Bawipa Jesuh sunparnak i hrawm ve awkah a si.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

1 PETER 1:15

Nannih an kotu hna Pathian cu a thian bantukin nannih zong thiang ve u.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

1 PETER 2:21

Cu bantuk mi si awkah cun Pathian nih an kawh hna cu a si; zeicahtiah Khrih hrimhrim nih nan caah khan a in cang i ka keneh ka zul hna seh tiah i zohchun awk an chiahpiak cang hna.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

2 PETER 1:2

Pathian nan hngalhnak thawng le kan Bawipa Jesuh nan hngalhnak thawngin vel le daihnak cu tlamtling tein nan ta si ko hna seh.

2 PETER 1:5

Hi ruang hrimhrim ah hin, nan zumhnak i ṭhatnak chap kha fak piin i zuam u; cun nan ṭhatnak ah khan hngalhnak i chap u;

2 PETER 1:6

nan hngalhnak ah khan mah le mah i uk khawhnak i chap u; mah le mah i uk khawhnak ah khan in khawhnak i chap u; in khawhnak ah khan Pathian ṭihzahnak i chap u;

2 PETER 1:8

Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan ṭhawnnak an pek hna lai i rian tampi an ṭuanter khawh hna lai.

2 PETER 2:20

Kan Bawipa le kan Khamhtu Jesuh Khrih an hngalhnak thawngin hi vawlei cung thurhnawmhnak in a luatmi hna cu, hi vawlei cung thurhnawmhnak nih khan a tlaih ṭhan hna i a tei ṭhan ahcun, a hramthawk i an rak umning nakkhan an donghnak cu a chia deuh.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

RUTH 3:11

Cun ka fanu, ṭih hlah, ka khuapi hawi vialte nih nangmah cu mi ṭha na si kha an hngalh ko caah na ka halmi vialte cu kan tuahpiak lai.