2 PETER 1:1 - Lai (Hakha) Common Language Bible 2006

¹ Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

Laibaibal Thiang (BSI)

¹ Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

2 PETER 1:1 ပူးပေါင်းရင်းမြစ်များ

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.

MATTHAI 10:2

Hihi lamkal hleihnih hna an min cu a si: a hmasa bik ah Simon (Peter timi kha), cun a nau Andru; Zebedi fapa Jeim le a nau Johan;

MATTHAI 4:18

Jesuh cu Galilee Rili kam i aa chawh lengmang lioah khan ngatlaitu unau a hmuh hna i cu hna cu Simon (Peter timi kha) le a nau Andru kha an si; rili chungah cun sur in nga an rak chep len ko;

LUKA 1:47

I lawm tuah, ka nunnak, Bawipa na khamhtu cungah;

LUKA 11:49

Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu.

JOHAN 1:42

Cun Simon cu Jesuh sinah khan a kalpi. Jesuh nih cun a rak zoh i, “Nangmah cu Johan Fapa Simon na si. Na min cu Sefas a si cang lai,” tiah a ti. (Sefas ti cu Peter ti he khan aa khat i a sullam cu “lungpi” tinak a si).

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 20:21

Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti ṭhan hna.

LAMKALTU 15:14

Simon nih, zeitluk in dah Pathian nih Jentail mi kha an zawn a ruah hna ti cu a kan chimh cang i cu a langhnak cu anmah lakin amah min putu dingah mi aa thimmi hna hi a si.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

ROM 1:12

Ka chim duhmi cu, pakhat le pakhat kan i bawm cio hnga; ka zumhnak nih nannih an bawmh hna hnga i nan zumhnak nih kei zong a ka bawmh ve hnga, ti hi a si.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

1 KORIN 15:9

zeicahtiah Pathian khrihfabu kha ka rak hrem hna i cucaah cun lamkaltu vialte hna lakah nauta bik ka si — a ngaingai ti ahcun lamkaltu ti awk hmanh ka tlak hrimhrim lo.

1 KORIN 9:1

Kei cu ka luat lo dahra? Lamkaltu ka si lo dahra? Kan Bawipa Jesuh cu ka hmu lo dahra?

2 KORIN 4:13

Cathiang nih, “Ka zumh caah ka chim,” a ti. Cu bantuk zumhnak lungthin ṭhiamṭhiam cun, kannih zong nih kan zumh caah kan chim ve.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 2:8

Peter cu Pathian nih Judah mi hna sin lamkaltu ah a ser bantukin keimah zong Pathian ṭhawnnak nih Jentail mi hna sin lamkaltu ah a ka ser ve.

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

EFESA 4:11

“Mi kha laksawng a petu hna” cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.

EFESA 4:5

Bawipa pakhat lawng a um, zumhnak pakhat lawng a um, tipil innak pakhat lawng a um;

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

FILIPI 1:29

Khrih ca rianṭuan thiah nan si tikah, a zumh lei lawng hi si loin a ca i temhinnak hmuh ding zong hi a si chih.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

2TIMOTE 1:5

Na pi Lois le na nu Zunis nih an ngeihmi zumhnak bantuk, zumhnak taktak na ngeih kha ka hngalh i atu zongah hin na ngei ko tiah ka zumh.

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.

1 PETER 1:1

Jesuh Khrih lamkaltu a simi Peter nih, Pontas, Galatia, Kappadosia, Asia le Bithinia peng i ralzam bangin aa ṭhekmi, Pathian thimmi hna, nan sinah ca kan kuat hna.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1 PETER 2:7

Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

2 PETER 1:4

Cuticun a ngan ngaingaimi le a sung ngaingaimi laksawng a kan kamhmi cu a kan pek i cu laksawng a kan pekmi thawng cun a kan hrawkhral khotu vawlei pumsa duhnak chung hin nan luat kho lai i Pathian sining cu nan i hrawm kho lai.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.